هنا الزاهد: أنا بحب تامر حسني.. وهو شخص ممتع في الشغل
كتب: نسرين إبراهيم
أعربت الفنانة هنا الزاهد عن سعادتها الشديدة بالمشاركة في فيلم "ريستارت" إلى جانب النجم تامر حسني، خاصة أنهما سبق أن اجتمعا في أعمال فنية سابقة حققت نجاحًا.
وخلال لقاء تلفزيوني، عبّرت هنا الزاهد عن تقديرها الكبير لتامر حسني، قائلة: "أنا بحب تامر حسني على المستوى الشخصي والعملي جدًا.. هو شخص ممتع في الشغل.. وحبيت جدًا كل الأعمال اللي جمعتني بيه، بداية من مسلسل فرق توقيت سنة 2014، وكنا بنقدّم مشاهد ارتجالية كتير في ريستارت، وده اللي خلّى التجربة مميزة".
أما عن آرائها الشخصية، فتحدثت هنا الزاهد عن أغرب نصيحة سُمعت منها بخصوص الحب، موضحة: "أغرب حاجة اتقالت لي هي إن لازم أتقل عشان أكسب اللي بحبه.. وأنا مش مقتنعة بكده خالص، لأني بحب العفوية والتصرف الطبيعي، مش التفكير والتخطيط اللي يرهق العلاقة".
