ملك أحمد زاهر تكشف تعرضها لوعكة صحية: ادعولي اخف بسرعة

أعلنت الفنانة ملك أحمد زاهر تعرضها لوعكة صحية مفاجئة منذ 3 أيام، مؤكدة أن الأطباء لا يعلمون ما أصابها بشكل دقيق، مشيرة إلى أن حالتها النفسية سيئة جدًا.

وكتبت ملك زاهر عبر خاصية القصص القصيرة على حسابها بـ «إنستجرام»: «انا عمري ما كنت بنزل غير الحاجات اللذيذة أو الهزار أو أي حاجة اجابية من الآخر ولما كنت بحب انزل حاجة سلبية كنت باخدها بهزار وبنزلها close friends وبهزر بيني وبين صحابي».

تابعت: «بس بجد حاسة أن الفترة الاخيرة بيجيلي كومنتس كلها مانتي عايشة ومبسوطة واحنا مش عايشين وايه كل إلى انتو فيه وحاسة أن في الناس بصة على اتفه الحاجات إلى ممكن تكون عندي اللي بتبسطني زي مثلا اني انزل اروح الجيم أو اخرج مع صحابي أو يكون شكلي حلو انا رايحة ايفينت معين».

أشارت: «حبيت بس اقولكم أن الحياة مش وردي انا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل ومن ساعتها مش عارفة انزل أو حد يشوفني بالي انا فيه ده ونفسيتي وحشة اوي انا بحكي الكلام ده عشان تعرفوا بس أن حياتي فيها الحلو والوحش والله زي أي حد بس انا بحب دايما اشير الحلو بس وغالبا ده غلط فا قررت اشارككم كمان الوحش».

أضافت: «ومع أن اللي بيحصلي دلوقتي انا بحمد ربنا عليه وعارفة انه بإذن الله ها يكون حاجة بسيطة وأن شاء الله هاخف وكله ها يكون تمام بس هو مخلي نفسيتي وحشة اوي حقيقي كل إلى طالباه انكم ما تحكموش على حد من السوشيال ميديا أو من ظهوره في أي حاجة لأنها بتوري بس يمكن ٢٠% من حياته ووادعولي اخف بسرعة شكرا».

أختتمت: «والهدف من الستوري دي مش أن أي حد يقلق لأن الحمد الله انا كويسة وأن شاء الله إلى عندي ده لي حل وانا تمام مافيش حاجة مقلقة انا بس حسيت اني محتاجة اشارك الوحش زي ما بشارك الحلو مش اكتر».