"همشي عشان أريح دماغي".. حسين الشحات يكشف مستقبله مع الأهلي

 فتح حسين الشحات، جناح النادي الأهلي، الباب أمام احتمالية رحيله عن الفريق عقب كأس العالم للأندية، مؤكدًا أنه لن يمانع مغادرة القلعة الحمراء إذا رأت الإدارة أن هذا هو القرار الأفضل.

وتحدث الشحات عن الضغوط النفسية التي يعاني منها، وأسباب استبعاده من الجوائز الفردية، كما كشف عن عروض مغرية تلقاها من أندية مصرية، كما أكد أنه لم يحسم وجهته المقبلة حتى الآن رغم امتلاكه عدة عروض خارجية.

وقال الشحات في تصريحات عبر قناة "أون سبورت": "لو النادي الأهلي شايف إن الأفضل إني أمشي بعد كأس العالم للأندية، فأنا ماعنديش مشكلة. همشي عشان أريح دماغي في السنوات القليلة اللي فاضلة لي في الكورة، ومابقاش تحت ضغط مستمر في كل ماتش وكل بطولة. طبيعي إن اللاعب يكون مطالب بتقديم الأفضل، لكن الضغط المتواصل بقى كتير علي، وأنا محتاج راحة."

وأبدى الشحات استغرابه من استبعاده من الترشيحات الفردية خلال الموسم الماضي، رغم مساهمته الكبيرة في تتويج الأهلي بدوري أبطال إفريقيا، قائلا: السنة اللي فاتت سجلت 5 أهداف في دوري الأبطال، وحققنا اللقب، ومع ذلك استغربت إن اسمي ماكانش موجود بين الأفضل في إفريقيا. حتى مصطفى شوبير كان يستحق يكون بدل ويليامز، وزيزو كمان عمل موسم قوي وفاز بالكونفدرالية. دايمًا اللي بياخد دوري الأبطال بيكون الأقرب للجوائز الفردية، لكن واضح إن المعايير مش ثابتة."

وكشف الشحات عن تلقيه عروضا مغرية من أندية داخل مصر، تفوق ما يحصل عليه في الأهلي، لكنه رفضها احتراما لتاريخه مع القلعة الحمراء.

وأكد الشحات: "في أندية مصرية عرضت عليا مبالغ أكبر من اللي باخدها في الأهلي، لكن أنا باحترم تاريخي مع النادي، وباختار الاستقرار والأولوية دايما مش للفلوس بس."

ورفض الشحات اعتبار الصفقات الجديدة مصدر ضغط بالنسبة له، مؤكدًا على دعمه لزملائه في الفريق، سواء شارك أساسيًا أو جلس على مقاعد البدلاء.

وأوضح الشحات: "مفيش ضغط من الصفقات الجديدة. أنا لما بقعد احتياطي، بتمنى إن اللي بيلعب مكاني يكون أحسن واحد في الفريق، ودي نعمة كبيرة من ربنا. المنافسة موجودة، وفي أسماء كبيرة زي طاهر محمد طاهر، وزيزو، وتريزيجيه، وبن شرقي، لكن أنا بحب التحدي وبدعم زمايلي دايمًا."

وحول مستقبله، أوضح لاعب الأهلي أنه لم يحسم قراره النهائي حتى الآن، رغم وجود عروض من أندية خارجية قائلا: "لسة ما قررتش، عندي عروض من كذا بلد وكذا فريق، وبافكر كويس. بقالي 7 سنين في الأهلي، خدت فيهم كل البطولات الممكنة، وحققت كل اللي كنت بحلم بيه. دلوقتي بفكر في الخطوة اللي تريحني نفسيًا وبصلي لمستقبلي بعد الكورة."