رامي جمال: عمرو دياب لا يُنافس.. وأنا واحد من جمهوره المتعصب

أكد الفنان رامي جمال، أنه واحدا من جمهور الهضبة عمرو دياب، مشددا على أنه نجم خارج المنافسة، وواصفا إياه بصاحب التاريخ الأسطوري.

وقال رامي جمال فى لقاء بإحدى البرامج الإذاعية : عمرو دياب لا يُنافس، أنا مبفكرش في المنافسة معاه أبدًا، لأنه رجل حفر تاريخ أسطوري، أنا واحد من جمهوره المتعصب، ففكرة المنافسة كانت تتقال زمان أيام بيع شرايط الكاسيت، وقتها لو كنت نزلت مع عمرو دياب ألبوم، 90 % من الجمهور هيشتروا ألبوم الهضبة.

وأضاف رامي جمال : في ظل السوشيال ميديا الناس بتسمع كله، لما نزلت الألبوم على يوتيوب، كنت رقم 1 و2 و3، ولما عمرو دياب نزل الألبوم بقيت رقم 4 و5 و6 وليا الشرف بالمكانة دي، لأني شوفت أيام وسنين كتير إني أبقى رقم 2 بعد الهضبة دا حلم مشروع، وتجاريًا الناس مبتقش بتركز مين نزل الألبوم مع الهضبة، وزي ما بشوف ناس بتنزل معاه ناس بتقولي ألبومك أنت كمان حلو.