محمد علي رزق عن مشاركته في«الاختيار 3»: «كانت فرصة مينفعش أضعيها»

تحدث الفنان محمد علي رزق عن تفاصيل  دوره في مسلسل الاختيار بموسمه الثالث والذي ظهر به كضيف شرف خلال الأحداث، مشيرا إلى أنه فخور بهذا الأمر وكانت فرصة لا يجب أن يضيعها من يده.

محمد علي رزق يتحدث عن مشاركته في الاختيار 

وقال محمد علي رزق، خلال لقائه في برنامج "الستات" المذاع على قناة سي بي سي: "لما جالي الدور وافقت على طول، حتى لما قالي إن الدور ضيف شرف قلت مش مشكلة.. لأن دي تجربة ما ينفعش أضيعها، وخصوصًا إن ده مش أول جزء، قبله كان في الاختيار 1 و2، وكنت بتمنى أكون موجود فيهم".

وتابع محمد علي رزق حديثه عن التعاون مع أحمد السقا، قائلا: "فخور إني اشتغلت مع النجم أحمد السقا، ودي مش أول مرة، اشتغلنا قبل كده في (هروب اضطراري) و(من 30 سنة)، وهو إنسان جميل وبني آدم نظيف وبيحتوي اللي حواليه وبيكبر اللي معاه".

وعن بيتر ميمي، قال محمد علي رزق: "بيتر مش بس مخرج متميز، هو كمان شريك نجاح.. وبالنسبة لي بيتر والسقا من الناس اللي لما بشتغل معاهم بحس بارتياح واندماج، وكان في انسجام كبير بينا في كواليس المشهد اللي اتعرض".

مسلسل "فات الميعاد"

وتطرق محمد علي رزق بحديثه عن فات الميعاد وردود الفعل عليه، قائلا: "إحنا كنا في الساحل والنت اتقطع، أختي كانت بتدور على المسلسل في أي حتة.. الكل بيتكلم عن 'فات الميعاد'، المشهد قلب الدنيا، وأنا بدأت أتفرج عليه حاليًا والحمد لله، نفسي أكمل كل الحلقات".