حسام حبيب: خناقاتي أنا وشيرين تضحك.. وبعتذرلها عن أي حاجة زعلتها مني
كتب: نسرين إبراهيم
تحدث الفنان حسام حبيب عن علاقته الحالية بالفنانة شيرين، واصفا إياها بكونها صوت الوطن العربي وليست صوت مصر، وذلك خلال تصريحات خاصة لبرنامج ET بالعربي.
قال حسام حبيب عن علاقته بطليقته بعد الخلافات العديدة التي جمعت بينهما: أنا وشيرين زي الفل الإخوات والأصحاب بيتخانقوا واحنا خناقتنا كلها بتضحك وحاجات بسيطة.
وأضاف: شيرين فنانة كبيرة وعظيمة وصوت الوطن العربي مش صوت مصر بس وأنا بعتذرلها لو كنت قولتلها أي حاجة في يوم من الأيام تزعلها وأنا واحد من معجبينها وهي نجمتي المفضلة لأن شيرين صوت عبقري وميتعوضش ومحدش يملى مكانها .
وتابع : وعايز أقولها يا حبيبت قلبي إن شاء الله تفضلي ناجحة ومكسرة الدنيا وبقول للناس إن مفيش بيني وبينها أي نوع من أنواع المشاكل وعن غضب الجمهور منها في مهرجان موازين أنا شايف إن شيرين بتحترم جمهورها .. كلنا ساعات مبنكونش في كامل لياقتنا وشيرين بتعتبر الجمهور أهلها وأنا ساعات كنت بغير من جمهورها .
واختتم : إنتي علمتينا كلنا الاصرار وكلنا بنتعلم منك رغم صغر سنك.
View this post on Instagram
