مصطفى قمر: مسار إجباري خرجت من عباءتي ومعنديش مشكلة اعمل فيلر

أكد الفنان مصطفى قمر أن فرقة "مسار إجباري" خرجت من عباءته الفنية، موضحًا أن أعضاء الفرقة سبق وأخبروه بتأثرهم الكبير بأغانيه، وهو ما يعتبره مصدر فخر له كفنان مؤثر في أجيال جديدة من الموسيقيين.

وقال قمر، خلال لقاء تليفزيوني، إن عازف الجيتار بالفرقة، هاني الدقاق الشهير بـ"صيام"، كان يتردد عليه في شبابه ويجلس على ركبته يشاهده وهو يعزف الجيتار، مضيفًا: "دلوقتي بقى أستاذ كبير، وقالي إحنا طلعنا من الأغاني بتاعتك، وحتى حد من كايروكي قالي إنك مأثر فينا، ودي حاجة تفرحني جدًا".

وتحدث قمر عن رؤيته للفن والتريند، قائلًا: "إحنا اللي بنصنع التريند الحقيقي، ولما أعمل أغنية بتعيش مش 3 شهور، بتفضل سنين، زي سكة العاشقين، اللي هتخلي الناس بعدين يقولوا: كان في واحد جامد بيغني اسمه مصطفى قمر، وولادي وأحفادي يفضلوا يتكلموا عني".

وعن اللجوء إلى الفيلرز أو الإجراءات التجميلية، أوضح مصطفى قمر: "لحد دلوقتي مش بعمل حاجة.. بس لو حصلت حاجة في وشي أو حبيت أحس بنضارة ممكن أخد فيلرز، الموضوع مش عيب، بس الحمد لله ربنا مديني شكل طبيعي".

وفي سياق إنساني، أبدى مصطفى قمر دعمه للفنانة أنغام بعد تعرضها لأزمة صحية مؤخرًا، وكتب عبر "إنستجرام":
"ربنا يتمم شفاكي على خير يا أنغام، يلا شدي حيلك، ترجعي لنا بألف سلامة، وتفرحينا وتفرحي جمهورك. أدعوا لها يا جماعة، شفاء لا يغادر سقمًا بإذن الله".