الإعلامى ممدوح موسى: «سيبوا مطربي المهرجانات ياكلوا عيش»
كتب: شروق خالد
كشف الإعلامى ممدوح موسى عن رأيه في مطربى المهرجانات، مؤكدًا أنه ضد منعهم لأنه يحبهم وكذلك الجمهور وخاصة المهرجانات التي تحتوي على كلمات غير مبتذلة.
وقال "موسى": "بحب أغاني المهرجانات جدا، وبرقص على أغاني المهرجانات في الأفراح، وبحب المهرجانات اللي فيها كلام محترم".
وتابع: "أوكا وأورتيجا نجحوا جدا في العشر سنين اللي فاتوا بس مكنش فيه سوشيال ميديا زي دلوقت عشان يتشهروا زي اللي موجودين على الساحة دلوقت".
واختتم "موسى" بقوله: "المهرجانات اللي فيها كلام محترم هى اللي هتستمر غير كدة لا، يا ريت المهرجانات تنجح، وسيبوهم ياكلوا عيش وأنا مع المهرجانات النضيفة وضد المنع"، وجاء ذلك خلال استضافته مع الإعلامية بسمة وهبة في برنامج "العرافة" عبر قناة "المحور".
