محمد سامي يعلن عن عمل درامي جديد: سيكون الأهم في مسيرتي

أعلن المخرج محمد سامي عبر صفحته الرسمية على موقع التواصل الاجتماعي "فيسبوك"، عن استعداده لكتابة عمل درامي جديد، مؤكدًا أنه سيكون مختلفًا وغير مسبوق على المستويين المحلي والعالمي.

وقال سامي: "بسم الله، بكتب مسلسل جديد، سيكون بأمر الله الأهم في مسيرتي الفنية والأعلى مشاهدة وجدلاً، حكاية جديدة لم يتم تناولها من قبل في أي عمل فني، سواء عالمي أو محلي… لسه معرفش هيتصور إمتى أو مين الأبطال أو ميعاد العرض، لكني واثق إنه سيكون أرقى وأميز أعمالي وسيحترمه ويقدره كل بيت عربي".

وأضاف: "اللي مفرحني في العمل ده إني قدرت أوصل للمعادلة الصعبة، إزاي يكون العمل جماهيري ويلبي متطلبات السوق وفي نفس الوقت فني بحت زي أعمال أساتذتنا زمان، وإزاي أقدر أطرح موضوع مهم يلمس المجتمع ويجذب الجمهور العربي، من غير ما يكون نخبوي أو محدود المشاهدة. كمان كان لازم أغيّر تمامًا عن كل ما قدمته قبل كده، وده تطبيقًا لنصيحة الناقد طارق الشناوي اللي قال: التغيير قبل ما الجمهور يتشبع منك"، مختتمًا: "الله الموفق ويكمل على خير إن شاء الله".