نجل فضل شاكر: والدي لا قتل ولا سرق.. وراغب علامة شهر به وولا مرة ردينا عليه

  أعرب الفنان محمد شاكر، نجل الفنان فضل شاكر، عن اندهاشة من هجوم راغب علامة الدائم على والده، بعد تصريحاته الأخيرة. 

وقال محمد فضل شاكر خلال ستوري عبر حسابه بإنستجرام: "وصلي من كام يوم إن فيه حملة معمولة على والدي على السوشيال ميديا من قبل فنانين وإعلاميين حاقدين على والدي".

وأضاف: "وصلي من ناس مقربين مشتركين بيننا إن الفنان راغب علامة عايز يحل المشاكل اللي بينه وبين فضل شاكر، ووالدي رد عليك إنه معندوش مشكلة يحل موضوعه معاك، برغم إن بقالك 13 سنة مسبتش وسيلة إعلامية غير لما شهّرت بينا من خلالها وقولت كلام كتير".

وتابع محمد فضل شاكر: "لو قلبنا الأدوار هنلاقي إنك مكنتش هتستحمل ده، وبرغم كدة والدي وافق على الصلح وقلنا صفحة وقلبناها، بس نلاقي فيديو جديد ليك بتقول أنا مش بقتل ومش بمسك سلاح، هو أبويا إمتى قتل؟ أنا أبويا مسك سلاح وقت ما مكنش في حد يحمينا، لكن لا قتل ولا سرق".

واختتم: "إحنا معندناش مشاكل نتصالح معاك لكن لازم أنت تتصالح مع نفسك الأول، 13 سنة ولا مرة طلعنا نرد عليك ولا نتكلم عنك، بالعكس كنت في حفلاتي بغني أغانيك، رسالة إن إحنا ماعندناش مشكلة معاك".