روى الفنان شريف رمزي موقفًا إنسانيًا نادرًا جمعه بالنجم العالمي الراحل عمر الشريف، وذلك خلال استضافته في برنامج "فضفضت أوي" الذي يقدمه الإعلامي معتز التوني.
وقال رمزي:"اشتغلت مع عمر الشريف في فيلم، وكنا بنخرج بعد الأوردر، وكان دايمًا يعزمني على العشاء. مرة وإحنا رايحين نتعشى، جاتله ست بسيطة جدًا بتبيع فُل، وطلبت تتصور معاه، وكان عمره حاجة وتمانين سنة، لكنه نزل من العربية واتصور معاها بكل تواضع."
وأضاف:"بعدها، وإحنا راكبين العربية رايحين المطعم الشيك جدًا، جاتله ست هانم وقالت له: أنا عايزة أتصور معاك يا أستاذ عمر، لكنه رد وقالها: معلش يا حبيبتي، أنا بتعشى دلوقتي، وقت تاني."
وتابع شريف رمزي موضحًا فلسفة عمر الشريف:"أنا اتجننت من الفرق في التعامل، فشرحلي وقال: الست الغلبانة الصورة دي هتبقى حدث مهم جدًا في حياتها، وممكن تبروزها وتحطها في بيتها. لكن الست التانية هتوريها لصحابها، ولما تغير التليفون هترميها."
آخر أعمال شريف رمزي:
يُذكر أن آخر أعمال الفنان شريف رمزي كان مشاركته في مسلسل "خالد نور وولده نور خالد" والذي عُرض في رمضان 2024، وشارك في بطولته عدد من النجوم، أبرزهم: كريم محمود عبد العزيز، شيكو، حمزة العيلي، دنيا سامي، آية سماحة وآخرون.
