بعد الهجوم عليها بسبب قصيدة رثاء والدها.. لمياء أحمد راتب: هختصم أي حد كفّرني 

أعربت لمياء، ابنة الفنان الراحل أحمد راتب، عن استيائها الشديد من بعض التعليقات على مواقع التواصل الاجتماعي التي وصفتها بـ"التكفير" لمجرد نشرها أبيات شعرية عن والدها الراحل.

وكتبت لمياء عبر حسابها: «خصيمة أي حد كفّرني، مش هكتب أي بوست عن بابا تاني، وقدام ربنا هختصم أي حد كفّرني عشان كتبت لأبويا جملتين من قصيدة مش بتاعتي».

وأضافت: «أنا واحدة عايشة على ألم فقد والدها من 9 سنين، ومعنديش حاجة تانية أقدمها لحضراتكوا، ومعنديش ترند أعمله عشان حضراتكوا تشتغلوا عليه».

تصريحات لمياء أثارت حالة من التعاطف بين محبي الفنان الراحل أحمد راتب، الذين طالبوا بوقف حملات التنمر والهجوم الإلكتروني على أفراد أسرته.

جاءت القصيدة التي تذكرت بها لمياء والدها كالتالي: لما أنت ناوي تموت وتصعب الموضوع ليه سيبتني أتعلق بحاجات هتبقى دموع؟،  ليه يعني عودتني على حضن مش دايم؟ طب أديك أهو نايم وأنا صاحي بيك موجوع.