إنجي عبد الله تكشف معاناتها مع ورم خطير في جذع المخ: كل الدكاترة رفضوا يعالجوني

كشفت الفنانة إنجي عبد الله عن معاناتها القاسية مع ورم حميد في جذع المخ، موضحة أنها تعاني من هذا الورم منذ سنوات، وأن الأطباء في مصر وخارجها رفضوا علاجها لصعوبة حالتها الطبية.

وقالت إنجي عبد الله في منشور مؤثر عبر حسابها الرسمي على فيسبوك:"عدى 6 شهور بحاول أتعالج للمرة الثانية من ورم في جذع المخ. هو مش سرطان لكنه في أخطر مكان في المخ. للأسف كل الدكاترة في مصر وبره مصر رفضوا يعالجوني، لأني أخدت كل جلسات الإشعاع والكيماوي المسموح لي في 2019. كنت فاكرة خلاص أنا تمام، لكن للأسف رجعت لي أعراض أسوأ بكتير".

أعراض صعبة ومعاناة يومية

وأضافت الفنانة موضحة حجم معاناتها الصحية:"أنا فقدت الإحساس بالجنب اليمين، وصعوبة في البلع، وكهربا في جسمي كله لما بعمل أي حركة بسيطة حتى لما بحرك عيني. حتى المستشفى اللي اتعالجت فيها قبل كده طلبت مني أوقع إقرار إني مسئولة عن كل اللي ممكن يحصل لي لو اتعالجت، فمشيت من الخوف".

دعم الأخت المريضة

ولم تخف إنجي عبد الله ألمها النفسي وهي تحكي عن شقيقتها المريضة بالسرطان:"اللي واقفة جنبي وبتساعدني أعمل أبسط الحاجات اليومية هي أختي اللي عندها ورم في الرئة والمخ مرحلة رابعة. كنت فاكرة أنا اللي هخلي بالي منها مش العكس".

تقبل القدر رغم قسوته

واختتمت الفنانة رسالتها المؤثرة بقولها:"أنا حالتي بتتأخر كل شوية، والمرة دي شفت حاجات صعب أوصفها. أنا راضية بقضاء ربنا الصعب جدًا عليا وعلى أختي، لكن الحياة بجد صعبة جدًا ومفاجآتها أصعب. بدعي ربنا حاجة واحدة بس… اللهم لا نسألك رد القضاء ولكن نسألك اللطف فيه".