ردّ مفاجئ من غادة عادل على سؤال لميس الحديدي: "هل ممكن قلبك يدق تاني؟
كتب: محمود عبد العظيم
علّقت الفنانة غادة عادل على لحظة بكائها خلال مشاركتها في حفل افتتاح الدورة الثالثة من مهرجان الغردقة لسينما الشباب، حيث ظهرت متأثرة أثناء تواجدها مع نجلها عبد الله.
وقالت غادة في لقائها ببرنامج "الصورة" مع الإعلامية لميس الحديدي على قناة النهار:
"عبد الله هو ابني الأوسط، وأنا في البيت مش مجرد أم لأولادي، لكن كمان صديقتهم وأختهم، والعلاقة دي مريحة لينا كلنا".
وردًا على سؤال لميس الحديدي حول ما إذا كانت أمًا مسيطرة، أجابت غادة مبتسمة:
"لا طبعًا، زي ما قلت أنا صديقتهم مش أم بتتحكم فيهم، ولا بضيّقهم ولا هم بيضيّقوني".
وعن احتمالية زواج أحد أبنائها قريبًا، قالت ممازحة:
"مفيش حد فيهم بيفكر في الجواز.. إحنا مبسوطين كده، همّ خايفين يتجوزوا، فأنا اللي أتجوز"، لترد لميس ضاحكة: "وفيها إيه يعني؟"، فأجابت غادة:
"ما هو علشان كده عملت الفيلم.. يمكن يكون تمهيد ليهم".
وسألتها الحديدي: "هل ممكن قلب غادة عادل يدق تاني؟"، فردّت غادة بابتسامة:
"طول ما القلب بينبض، يبقى ممكن يدق تاني، وهيدق. ولو لقيت إنسان يستحق، أكيد هحبه".
أما عن مواصفات الرجل الذي قد يستحق قلبها، فقالت:
"أي إنسان كويس قلبه نظيف. أنا بحب الناس الطيبين اللي عندهم رحمة وعطاء، واللي مش بيدوروا على المصلحة. أي حد عنده المشاعر دي.. أكيد هحبه".
