شيماء سعيد تهاجم إسماعيل الليثي من جديد: "مش مسامحاك لا دنيا ولا آخرة"

عادت خبيرة التجميل شيماء سعيد، طليقة المطرب الشعبي إسماعيل الليثي، للهجوم عليه من جديد، عبر مقطع فيديو تم تداوله على مواقع التواصل الاجتماعي، كشفت فيه عن تفاصيل مؤلمة من علاقتها السابقة، سواء معه أو مع والدته، مؤكدة أنها لن تسامحه "لا في الدنيا ولا في الآخرة".

وقالت شيماء في الفيديو:

"عمري ما شتمت أمه، وكنت دايمًا بحترمها، حتى لما كانت بتسيء ليا. كنت ممكن أفضل ست شهور ما أدخلش البيت، لحد ما إسماعيل ياخدني ويرجعني، وأروح أعتذرلها، ومد إيدي أسلم، تروح باصة الناحية التانية وأتحرج وأمشي."

"مش هترتاح طول عمرك"

وأضافت بانفعال واضح:يكش عني ما رجعتله! دلوقتي أنا مية فل وعشرة، ومعايا بنتين ربنا يخليهم ليا ولأبوهم علشان ده في الآخر أبوهم، بس والله ما هترتاح طول حياتك. أنا مش مسامحاك ليوم الدين، ولا إنت، ولا اللي فرقك عني."

"ربنا ما يريحك"

وواصلت شيماء هجومها على طليقها بعبارات قوية:

"يا رب ما تلاقي راحة في أي مكان تروحه، وقلبك يتحرق زي ما حرقت قلبي، وتعيش عمرك كله من غير عيل، رغم إن الناس بتتمنى ضفر عيل. ربنا ما يريحك لا في الدنيا ولا في الآخرة."

خلفية الأزمة

وكانت شيماء قد كشفت سابقًا، من خلال بث مباشر على تيك توك، عن تعرضها للإهانة والضرب من قبل الليثي، وقالت إنها كانت تعاني في زواجها رغم محاولاتها للعيش بكرامة واحترام.

"أنا واحدة بشتغل، وكنت برجع من شغلي أكمّل شغل في البيت. بقالي 3 سنين ما دخلتش على دكتور، ومحرومة من أبسط حقوقي كزوجة. لا بيخرجني، ولا بيعاملني كإنسانة. أنا ست بميت راجل ومبحبش الخيانة، وكنت عايزة أعيش حياة طبيعية."

انفصال رسمي

وفي وقت سابق، أعلنت شيماء عن انفصالها رسميًا عن إسماعيل الليثي، مؤكدة أنها بدأت اتخاذ إجراءات قانونية بعد ما قالت إنه تعدٍ بالضرب وسرقة وخطف لبناتها.