أسما شريف منير تظهر بالحجاب لأول مرة في مهرجان الجونة وتكشف تفاصيل مشروعها الجديد "عالم تاني"

في أول ظهور لها بالحجاب، شاركت الإعلامية والإنفلونسر أسما شريف منير في فعاليات مهرجان الجونة السينمائي بدورته الثامنة، حيث حضرت لتقديم تجربة جديدة تحمل عنوان "عالم تاني"، دون الكشف عن تفاصيل المشروع بعد، مؤكدة أنها لن تظهر على الريد كاربت هذا العام.

أسما: "دي أول مرة أحضر الجونة وأنا محجبة"

وعبر حسابها على إنستجرام، نشرت أسما منشورًا عبّرت فيه عن سعادتها بالمشاركة قائلة:"دي أول مرة أحضر مهرجان الجونة وأنا محجبة ومبسوطة جدًا. السنة اللي فاتت كنت ببني شبكة علاقات لعالم تاني، لكن السنة دي متحمسة نطلع كفريق نعمل حاجة ليها معنى، وفجأة في 48 ساعة كل حاجة اتغيرت."

وأضافت:"كنت ناوية مأسافرش علشان لسه محجبة ومعنديش لبس كفاية، بس ربنا بيبعت الفرص لما تكون جاهز من جوه مش من بره. لما حد صدق في اللي بنعمله وقالنا تعالوا السنة دي، قررت أروح وأقدم حاجة تمثلني أنا وعمرو في (عالم تاني)."

"ظهرت بطبيعتي وبتعبّر عني فعلًا"

واستكملت أسما حديثها بفخر قائلة:"حضرت مهرجان الجونة قبل كده كمكياج آرتيست، ومرة كإنفلونسر، ومرة علشان (عالم تاني)، لكن دي أول مرة أحس إني بظهر على طبيعتي فعلًا. فخورة بكل اللي بنحققه بتوفيق ربنا ومجهود فريقنا."

واختتمت منشورها برسالة دعم لنفسها ومتابعيها:"استنوا اللي جاي.. أنا في الجونة مش علشان الريد كاربت، أنا هنا علشان (عالم تاني) يكون موجود زي ما يستحق. شكرًا لكل اللي صدق وساعد وشجع، وشكرًا لنفسي إني كملت حتى لما كنت فاكرة إني مش هقدر… بحبكم."

أسما شريف منير: "جربت كل حاجة بس عمري ما ارتحت"

وفي لقاء حديث لها عبر بودكاست يمنى النهارده، تحدثت أسما بصراحة عن حياتها قبل الحجاب، وكشفت عن مشاعرها تجاه الماضي قائلة:"قابلت ناس بيقولوا إن الشرب مش حرام، بس كنت دايمًا بسأل نفسي: هل ربنا قالك روح اشرب؟ ولا دا الشيطان؟"

وأضافت:"أنا جربت الحياة دي، سافرت وسهرت وعشت من غير قيود، لكن عمري ما ارتحت، كنت دايمًا حاسة إني بعمل حاجة غلط ومش برضي ربنا."