عمرو سلامة عن أزمة "شمس الزناتي 2": ما خدتش مستحقاتي ومستني قرار النقابة والحكم القضائي
كتب: نسرين إبراهيم
تحدث المخرج عمرو سلامة، عن آخر تطورات أزمته مع الشركة المنتجة لفيلم شمس الزناتي 2، الذي يقوم ببطولته النجم محمد عادل إمام.
وقال عمرو سلامة في لقائه مع ET بالعربي:"المشكلة في طريقها للحل والنقابة خدت موقف كويس جدا، والموقف اللي خدته هيؤدي لنتائج كويسة، ومستني قرار النقابة والحكم القضائي".
وأضاف: "المشكلة إنتاجية بسبب شركة الإنتاج لأنها خلت التزاماتها مع العميل، وأنا طلعت أتكلم علشان أحذر الزملاء لأني مضايق إن محدش حذرني من الظروف دي قبل ما أبدأ أنا وباقي طاقم العمل ومخدناش مستحقاتنا، فهي مشكلة مادية، وبالنسبة لحقوق الملكية الفكرية، فالمنتج صور بمخرج تاني من غير ما يخلص مع المخرج الأول ودي حقوق فكرية وأدبية، كما إنه صور بطريقة غير قانونية لأنه ما ينفعش يصور بمخرج جديد من غير ما ياخد موافقة مع المخرج الأول، ومشكلتي مش مع المخرج مشكلتي مع الشركة المنتجة".
وعن تولي المخرج أحمد خالد موسى إخراج العمل وقيامه بتغيير الفريق قال: "من حق أي مخرج يغير الكاست ويجيب الممثلين اللي يشوفهم في الدور، واللي عرفته أنهم مش هياخدوا اي حاجة من اللي اتصورت وأتمنى ده يحصل".
واختتم: "أنا ومحمد إمام حاولنا نحل المشكلة بشكل ودي وعلاقتني به كويسة وبتمنى له الخير والفيلم ينزل ويكسر الدنيا وأتمنى المشكلة دي تخلص ونشتغل مع بعض قدام مية فيلم".
View this post on Instagram
