محمد رمضان يكشف كواليس فيلمه الجديد "أسد" ويتحدث عن يسرا وبداياته الفنية

كشف الفنان محمد رمضان كواليس فيلمه الجديد "أسد"، المقرر عرضه قريبًا في جميع دور العرض، مؤكدًا أن هذا العمل رفع من معيار اختياره لأعماله الفنية المستقبلية.

وفي تصريحات تليفزيونية، قال رمضان:"أنا تفرغت تمامًا وغيبت عن الدراما والسينما عشان فيلم أسد، ومش هشتغل غير بمواصفات الفيلم ده حتى لو هفضل في البيت 10 سنين، العمل ده أتعمل عشان أبني عليه."

وأضاف:"كل مشروع له وقته وميعاده، فيلم أسد جه في وقته، أنا دلوقتي بكبر وبنضج، عندي 37 سنة، وماقدرش أعمل أفلام صغيرة، وبسبب فيلم عبده موتة صناع الدراما تهافتوا عليا عشان ينتجولي مسلسل ابن حلال والأسطورة."

محمد رمضان عن يسرا: ساهمت في بناء اسمي الفني

تطرق رمضان للحديث عن النجمة يسرا وبداياته الفنية معها، قائلاً:"رحلتي بدأت مع يسرا، هي اللي رشحتني في فيلم إحكي يا شهرزاد، وهي من اللي ساهموا في اسمي، زي الراحل عمر الشريف، والجميلة حنان ترك، وسعيد صالح الله يرحمه، دول أصحاب فضل عليا."

فريق عمل فيلم "أسد"

يشارك في الفيلم كل من ماجد الكدواني، رزان جمال، علي قاسم، ركين سعد، كامل الباشا، محمود السراج، أحمد عبد الحميد، وإسلام مبارك، ومن تأليف خالد وشيرين ومحمد دياب وإخراج محمد دياب.