بسمة وهبة تدعم آن الرفاعي: اتفرجي عليهم نهايتهم هتبقى عاملة إزاي عشان ظلموكي

حرصت الإعلامية بسمة وهبة على توجيه رسالة دعم لآن الرفاعي، طليقة الفنان كريم محمود عبد العزيز، عقب تداول أنباء انفصالهما واستعداد الأخير للزواج من الفنانة دينا الشربيني.

وقالت وهبة في "أستوري" عبر حسابها على موقع "إنستجرام":"بصي يا حبيبتي، أنا نزلتلك إمبارح بوست، وقلتلك: بضاعة أتلفها الهوى. متزعليش ومتتقرجيش على الفيلم مرتين وتفتكري النهاية هتكون مختلفة، المفروض تكوني عارفة إن الرجعة كان ليها مصلحة، وانتي عارفة إيه هي المصلحة وخلصت. معلش، في ستات مقرفة مبتحبش غير الحاجة اللي مش بتاعتها، مبتحبش إلا الراجل اللي مش بتاعها واللي متجوز".

وأضافت وهبة:"اتفرجي عليهم نهايتهم هتبقى عاملة إزاي عشان ظلموكي.. نجوم مصر كلها حباكي وواقفة معاكي، وانتي بنت ناس ومتربية".

وفي سياق آخر، حرصت الفنانة مي عمر على دعم آن الرفاعي بعد انفصالها عن الفنان كريم محمود عبد العزيز، حيث نشرت مقطع فيديو لها عبر حسابها الرسمي على "إنستجرام"، وعلقت عليه قائلة:
"إنتي الحب الأول يا آن، وإنتي السند الحقيقي اللي كان موجود في كل خطوة من حياته. إنتي اللي شُفتِي البدايات، واللي حضرتي النجاح، إنتي أم بناته، والضهر اللي رجع له، والبيت اللي بيتفتحله مهما حصل. إنتي الحنية والقوة في نفس الوقت. تستاهلي كل الخير اللي جاي يا آن، ولسه قدامك حياة أجمل وأحلى بإذن الله، كوني قوية يا أنونا، أمامك حياة جميلة مليئة بالحب والسلام".

يُذكر أن الفترة الماضية شهدت خلافات حادة بين الفنان كريم محمود عبد العزيز وزوجته آن الرفاعي، وصلت إلى طلب الأخيرة الطلاق، وذلك تزامنًا مع أنباء عودة كريم إلى دينا الشربيني بعد قصة حب سابقة جمعتهما.

وبحسب مصادر مقربة، اتفق الثنائي كريم ودينا على العودة ولكن بشروط، من بينها الزواج الرسمي والإنجاب، وانفصاله عن زوجته السابقة. وتشير المعلومات إلى أن قرار العودة جاء بعد مشهد عاطفي جمعهما أثناء تصوير أحد الأعمال الفنية خارج مصر، حيث تأثرا وبكيا بشدة بسبب تاريخهما السابق معًا.

من جهة أخرى، أثارت كندا كريم محمود عبد العزيز، ابنة الفنان، الجدل بعد أن هاجمت الفنانتين دينا الشربيني وروبي عبر أحد التعليقات على مواقع التواصل الاجتماعي، وكتبت:
"الاتنين دول روبي والتانية دي، الاتنين دول فيستك، وأنا بكرههم، وماما وبابا ما ينفعش تتجاب سيرتهم في بوستات".