أول تعليق لعصام صاصا بعد طلاقه من جهاد أحمد: "مشفتش منها غير كل خير"

أعلن مطرب المهرجانات عصام صاصا انفصاله عن زوجته البلوجر جهاد أحمد، والدة ابنهما رحيم.

وكتب عصام عبر حسابه على إنستجرام في خاصية الاستوري:"حابب أتكلم في نقطة بسيطة بس عشان بعض كلام الناس بيضيقني، يعلم ربنا إني مشفتش أي حاجة في حياتي وحشة من الست دي ومشفتش منها غير كل خير، وعمرها ماكانت غلطانة في حقي، بالعكس، عشان بس محدش يظلمها وربنا يصلح حال الجميع ويسترها على كل الناس."

وكانت جهاد أحمد قد أعلنت منذ قليل انفصالها عن عصام صاصا عبر خاصية الستوري أيضًا، وكتبت:
"الحمد لله على كل شيء، تم الانفصال بيني وبين أبو رحيم."

يذكر أن الزوجين احتفلا قبل شهرين فقط بعيد ميلاد عصام صاصا خلال إجازة الصيف في مدينة العلمين الجديدة، حيث نشرت جهاد أحمد مجموعة من الصور لهما وعلقت:
"كل سنة وأنت طيب يا حبيبي، عقبال مليون سنة، وكل سنة أشوفك ناجح عن السنة اللي قبلها وديما فخورة بيك أنا وحيمو بحبك."

ورد عصام صاصا على منشورها قائلاً:
"ست البنات حبيبتي وصاحبتي وبنتي، كل سنة وانتي معايا يا أم رحيم، حياتي ملهاش طعم من غيرك، عيد ميلادي ليه طعم تاني عشان بنحتفل سوا."

هذا الإعلان يأتي بعد عامين من الحياة المشتركة بين عصام صاصا وجهاد أحمد، وسط تفاعل واسع من جمهور المتابعين.