بعد إعلان طلاقها من عصام صاصا.. البلوجر جهاد أحمد: اتاخد مني نفسي وده مش قليل

أثارت البلوجر جهاد أحمد الجدل قبل ساعات من إعلان طلاقها من مطرب المهرجانات عصام صاصا، بنشرها منشورًا غامضًا كشفت فيه عن معاناتها وصعوبات تحملتها خلال علاقتها.

وكتبت جهاد عبر حسابها على إنستجرام:
"طيب نقطة عشان أقفل أي باب لكلام وإشاعات، أنا شخصيتي كده وهتفضل كده.. أنا ممكن أتعامل مع شخص وهو فيه عيوب الدنيا وما يفرقليش هو وحش ولا حلو بس لما بقفل منه بيتشطب من حياتي ومش بيرجع تاني.. من الآخر بيبقي هوا بالنسبة لي عيني مش بتشوفه مهما كانت غلاوته كبيرة عندي. اتقفلت منه يعني أتمسح من حياتي.. دي أنا ودا اللي يريحني أنا فمحدش يضايق حاجة أنا مختارها في حياتي."

وأضافت جهاد عن ألمها العاطفي والصحي:
"وبلاش تخلوني أتكلم في حاجات أنا مش حابة أتكلم فيها واخليكم تكرهوا ناس ممكن تكونوا بتحبوها، أنا مرضاش حد يحس الوجع اللي أنا حسيته ويتخذل في أي شخص بيحبه سواء كان صاحب أو حبيبي أو من دمك، فخليها تمشي كده أحسن… اتاخد مني نفسي وده مش قليل."

وأعلنت جهاد أحمد طلاقها رسميًا من عصام صاصا عبر خاصية الستوري في إنستجرام قائلة:"الحمد لله على كل شيء، تم الانفصال بيني وبين أبو رحيم."

ورد عصام صاصا على منشورها أيضًا من خلال حسابه، مؤكدًا احترامه لها، وقال:"حابب أتكلم في نقطة بسيطة بس عشان بعض كلام الناس بيضيقني، يعلم ربنا إني مشفتش أي حاجة في حياتي وحشة من الست دي ومشفتش منها غير كل خير، وعمرها ماكانت غلطانة في حقي لا بالعكس، عشان بس محدش يظلمها وربنا يصلح حال الجميع ويسترها على كل الناس."

هذا الإعلان يأتي بعد فترة من الخلافات بين الطرفين، وسط تفاعل واسع من متابعيهما على مواقع التواصل الاجتماعي.