حاجة مشرفة.. عمر كمال يكشف قصة كفاح شاب يدرس العلوم السياسية ويغسل السيارات

سلّط مغني المهرجانات عمر كمال الضوء على قصة كفاح شاب يُدعى «محمد»، يعمل في مسح وغسل السيارات داخل أحد الكمباوندات، رغم كونه طالبًا جامعيًا يدرس في كلية الاقتصاد والعلوم السياسية.

ونشر عمر كمال مقطع فيديو عبر حسابه على موقع «فيسبوك»، ظهر خلاله برفقة الشاب، واصفًا إياه بأنه نموذج مشرف لشباب مصر، قائلاً: «محمد راجل صعيدي شغال في الكمباوند، ومتشرف بشغلته، بيغسل عربيات، وبيصحى الفجر علشان يشتغل».

وأضاف كمال: «الحاجة دي جميلة ومشرفة جدًا، والمفاجأة إن الراجل ده طالب جامعة وبيدرس في كلية اقتصاد وعلوم سياسية، ومش بيتكسف من طبيعة شغله، وبيجي يشتغل من الفجر وكمان آخر النهار يمسّع ويغسل العربيات».

وواصل عمر كمال حديثه موجّهًا رسالة للشاب المكافح: «أنت شرف لأي حد، وأنا كنت فاكر إني تعبت وعدّيت بحاجات كتير في حياتي، لكن أنت أخجلتني بأخلاقك واجتهادك.. وأنا حابب أشكرك قدّام الناس كلها».

ومن جانبه، قال محمد: «أنا شغال الشغلانة دي وبصرف على نفسي من صغري، وفي نفس الوقت بدرس، وراضي والحمد لله».