بعد وقف حساباته.. ننشر تاريخ أزمات زوج «منة عرفة» مع الفنانات
كتب: رحاب جمعة
أصدر المجلس الأعلى لتنظيم الإعلام قرارا بغلق حسابات محمود المهدي، زوج الفنانة منة عرفة، على مواقع التواصل الاجتماعي؛ بسبب تطاوله المستمر على الفنانات.
«العاصمة» تقدم في هذا التقرير جملة التطاولات التي قام بها محمود المهدي زوج منة عرفة على بعض الفنانات.
الهجوم على إلهام شاهين
تعرضت الفنانة إلهام شاهين للتطاول والسخرية من زوج منة عرفة، بعد تعليقها على أزمة منة عرفة ومحمد نجاتي، حيث قالت: «ما فيش مشاهد ساخنة في السينما في الوقت الحالي.. اللي أنا سمعته وقريته، إن واحدة واقعة على الأرض وأغمى عليها، ودكتور يمسك ايدها يقيس لها النبض، وقالت محدش يمسك إيدي».
من جانبه، هاجمها المهدي، عبر حسابه الشخصي بموقع «إنستجرام»، وكتب: «حد يضحي ويتجوزها عشان نخلص».
الهجوم على منة جلال
علقت الفنانة الشابة منة جلال على أزمة إلهام شاهين وقالت موجهة حديثها لمنة عرفة بعد هجومها أيضا على إلهام شاهين: «منة عرفة أنتي رصيدك إيه عشان تتكلمي بالطريقة دي وبالأسلوب غير المحترم في برنامج، على النجمة إلهام شاهين، طب حتى احترمي فرق السن وقولي أستاذة مش أنتي، شوفوا لها حد يتجوزها ويخلصنا».
وجاء رد محمود المهدي عبر حسابه الشخصي على موقع التواصل الاجتماعي فيسبوك بهجوم لاذع عليها قائلاً: «اهدي على نفسك أنتي والكبيرة بتاعتك أنا معرفش ديانتكم إيه والله بس منة لسه على ذمتي، ومسمحش لحد من الوسط النضيف أوي بتاعكم يجيب سيرتها، ويا جماعة أنا متكفل بالفرح ليها هي والمعلمة بتاعتها والله أد كلامي».
هجوم على رضوى الشربيني
شن محمود المهدي، زوج الفنانة الشابة منة عرفة، هجومًا حادًا على المُذيعة رضوى الشربيني، وذلك بعد استعراضها مميزات المرأة السنجل، حيث وصفتها بأنها تتمتع بمميزات عن المتزوجة، قائلًا عبر خاصية الـ«ستوري» على حسابه الرسمي على موقع تبادل الصور والفيديوهات انستجرام: «للأسف عشان فشلت في حياتها.. عايزة الكل زيها، مش عيب إننا نفشل، يمكن الغلط بيكون من الطرف الأول أو الثاني».
وتابع: "متنسوش إن حواء اتخلقت من ضلع آدم.. مهما كان أنا جربت الوحدة والله صعبة جدًا واللي بيقول غير كده بيكون مش عايز يبين لحد أو لحبيب قدیم أو زوج أو زوجة بس بجد لم بتلاقي حد بيحبك ويكمل معاك حياتك هو اللي هيفضلك لا أخ ولا أهل ولا قريب ولا صاحب هيكون فاضيلك.. متسمعوش كلام فاشل زي ده».
الهجوم على بدرية طلبة
كما هاجم المهدي الممثلة بدرية طُلبة بعد انتقادها له حيث علقت على تطاولته على الفنانات قائلة: «عايز تشتهر؟ اطلع اشتم فنان، عايز شهرة أكتر؟ اشتم الوسط الفني، عايز شهرة أكتر وأكتر؟ لايڤات كتير واشتم. بتشتغل إيه؟ ممثل بنتج لنفسي بفلوسي، متجوز مين؟ ممثلة. طب بعد اللايفات والشتيمة اتشهرت؟ لا طب عملت إيه؟ طلقت مراتي الممثلة! بجد ولا زي كل مرة؟».
فرد المهدي متطاولاً عليها عبر خاصية الاستوري، وقال: «فيه فنانة كومبارس كانت في الكاميرا الخفية زمان بداياتها وتقريبًا اسمها طبلة، طلعت طبلت لكبيرها عشان تضمن تذكرة دايمة لموسم الرياض، وكبيرها النكرة جوز الفنانة سايب ممثلين مش لاقيين شغل وواخد مراته يشغلها معاه في مسرحية في موسم الرياض، سبحان الله على النفاق واستغلال السلطة لأغراض مادية ورشاوي، والحمدلله مش خايف عشان ورايا ظهر كبير الحمدلله».
الهجوم على روجينا
والأزمة الجديدة التي تسببت في غلق حسابات محمود المهدي، هجومه على روجينا بسبب إعلانها عن مسلسلها الجديد من أمام الكعبة المشرفة.
ونشر «محمود المهدي» صورة «روجينا» عبر خاصية الـ«ستوري» عبر حسابه الشخصي على إنستغرام وكتب عليها: «واحدة تروح تعيط وتصور نفسها وهي بتعيط، وواحدة تصور نفسها وهي بتدعي، وواحدة رايحة تعلن عن مسلسلها، ونسيتوا إن ده بيت ربنا بجد أنتم عار على الشعب المصري، للأسف ناس كتير بتاخد أفعالكم المهينة، وتفتكر إن المصريين كده، لا بجد أنتم بتمثلوا إبليس، البنت المصرية مش رقاصة، ومش خاينة، والشاب مش بلطجي، ومش مدمن، والمسلم مش إرهابي، كفاية بجد شوهتوا صورة المصريين».
