عمرو أيب يعلق لأول مرة ضجة انفصاله عن لميس الحديدي
كتب: نسرين إبراهيم
علّق الإعلامي عمرو أديب على الجدل المثار حول التدخل في حياته الشخصية، مؤكدًا رفضه الخلط بين عمله الإعلامي وحياته الخاصة، ومشدّدًا على أن النقد يجب أن يقتصر على ما يقدّمه على الشاشة فقط.
قال عمرو أديب في لقاء مع المذيعة إنجي على، وذلك على هامش حضوره حفل توزيع جوائز Joy Awards: «أنت كل اللي ليك عندي شغلي، برّه ده إنت مالكش دعوة بيا خالص.. أي حاجة أقولها في البرنامج قابلة للنقد، وقابلة للشتيمة، وقابلة للتجريح، إنما حياتي مالكش دعوة بيها.. أنا تحت أمرك في شغلي، إنما برّه شغلي إنت عايز مني إيه؟ ويفيدك في إيه؟ ومهم بالنسبة لك في إيه؟ يا جماعة، اللي عايز مننا حاجة يركّز على شغلنا. شكلي وحش، بشجّع الزمالك، معنديش شعر».
وأضاف: «في حاجة ليها علاقة بالعداد والتريند؛ هتقرى الكلام بتاعه إزاي؟ هو غير مفكّر، وغير فيلسوف، وغير موهوب، فلازم يكون عنده شيء تاني علشان تقرأ الكلام ويبتدي العداد يلف.. إحنا بقى عندنا لعنة العداد كام لايك وشير».
View this post on Instagram
