أنوسة كوتة: خسرت كل حاجة وبشتغل شغل رجالة عشان أربي ابني بالحلال

كشفت مدربة الأسود أنوسة كوتة عن معاناتها خلال الفترة الأخيرة، مؤكدة أنها تمر بمرحلة صعبة في حياتها وتشعر بأنها خسرت الكثير رغم اجتهادها في العمل وتحملها المسؤولية بمفردها.

وقالت أنوسة كوتة في منشور عبر حسابها على موقع فيسبوك: "أنا في العادي بمشي مش بس جنب الحيط.. ده كمان جوه الحيط نفسه، وبراعي ربنا في كل حاجة، وحتى في أكتر وقت كنت محتاجة حد يطبطب عليا كنت بنسى نفسي وبطبطب على اللي حواليا، وكنت بقول يمكن ربنا شايف ويمكن هيجبر بخاطري".

وأضافت: "والله بشتغل شغل صعب بتاع رجالة وبشقى بجد وبنام في التراب عشان خاطر آكل العيش، وبربي ابني بالحلال".

وتابعت أن كثيرين كانوا يتوقعون لها النجاح في عملها، قائلة: "كل اللي شافني قال إنتي هتشتغلي نار.. بس خلي بالك من فلوسك، وأنا دلوقتي بقولكم أنا خسرت كل حاجة".

واختتمت حديثها قائلة: "بجد نفسي ألحق أفرح بحاجة واحدة بس.. قدر الله وما شاء فعل، والعين حق".

يذكر أن الملحن محمد رحيم، زوج أنوسة كوتة، توفي في نوفمبر عام 2024 عن عمر ناهز 44 عامًا بعد تعرضه لأزمة صحية مفاجئة.