أسما شريف منير: «حُسن الخاتمة» أكبر أمنياتي في الحياة

تحدثت الإعلامية أسما شريف منير عن مفهوم النجاح بالنسبة لها، مؤكدة أن غايتها الحقيقية في الحياة لا ترتبط بالإنجازات أو الوصول، بل بالسعي إلى حسن الخاتمة، وذلك من خلال منشور عبر حسابها الرسمي على «إنستجرام».

وقالت أسما شريف منير: «حُسن الخاتمة هو أكبر أمنية عندي، مش النجاح ولا تحقيق كل اللي اشتغلت عليه، نفسي ربنا يكتبلي إني أمشي من الدنيا وأنا في حالة كويسة، مش غافلة ولا بعيدة عنه، وأكون على لساني الشهادة وقلبي مطمئن وربنا راضي عني».

وأضافت: «دايمًا بفكر إيه أفضل لحظة ممكن يحصل فيها ده، سواء وأنا ساجدة أو بدعي أو بقرأ، وأتمنى يكون في أقدس بقعة على وجه الأرض، لأن الدنيا مش هي الغاية، الغاية إن ربنا يكون راضي لما أقابله».

واختتمت حديثها بالدعاء: «اللهم اختم لنا بالصالحات، واجعل خير أعمارنا آخرها وخير أعمالنا خواتيمها».

وفي سياق آخر، أعربت أسما شريف منير عن استغرابها من التغيرات التي قد تطرأ على الإنسان مع مرور الوقت، قائلة: «في يوم هتقف مع نفسك وتسأل: إمتى اتغيرت؟ وإمتى الحاجات اللي كانت بتوجع ضميرك بقت عادية؟».

وتابعت: «الغلط مش بييجي مرة واحدة، لكنه بيبدأ بتنازلات صغيرة، لحد ما القلب يتغير تدريجيًا من غير ما نحس، وده أخطر شيء ممكن يمر بيه الإنسان».