مروة صبري تطالب بتوضيح طبي عاجل حول نظام الدكتور ضياء العوضي
كتب: حسناء حسن
تساءلت مروة صبري عن سبب غياب الرد العلمي الواضح من الأطباء على نظام “الطيبات” الذي كان يروج له الراحل ضياء العوضي، مؤكدة أنها تبحث عن إجابة منطقية بعيدًا عن الهجوم.
وقالت عبر حسابها على إنستجرام:“أنا عندي سؤال وعايزة رد مش هجوم.. ليه لحد دلوقتي مفيش مجموعة من الدكاترة في تخصصات مختلفة زي القلب والباطنة والتغذية ردوا بشكل علمي وطبي على كلام الدكتور ضياء العوضي؟”.
وأضافت:“كل اللي اتقال عنه مجرد اتهامات وخلاص، من غير أي توضيح علمي حقيقي. لازم يكون في رد واضح وسريع يشرح للناس هل نظامه (نظام الطيبات) صح ولا غلط، أو حتى فيه جزء صحيح وجزء خاطئ، لأن ناس كتير بدأت تتلخبط ومش عارفة تفرق بين الصح والغلط”.
وتابعت:“بقى في كم كبير من الأنظمة الغذائية الغلط المنتشرة، والناس فعلاً اتلغبطت. فين دور الأطباء؟ هل نظام ضياء العوضي خزعبلات ولا له أساس علمي؟ ولو غلط، فين الدليل الطبي؟ بصراحة حتى الدايت بقى صعب علينا بسبب التضارب ده كله”.
