تأجيل نظر استئناف النيابة على براءة الإعلامي تامر أمين من تهمة إهانة الصعيد

حددت محكمة مستأنف القاهرة اليوم الثلاثاء جلسة 20 يونيو المقبل لنظر استئناف النيابة على براءة الإعلامي تامر أمين من تهمة إهانة الصعيد.

كان تامر أمين، اعتذر عن إهانته لأهالى الصعيد فى برنامجه، حيث قال: "أقدم اعتذار واضح وصريح لا لبس فيه لكل أهالينا فى الصعيد وفى كل مكان بمصر، اللى زعلانين منى، أنا لا هكابر ولا هآوح، أنا من الناس اللى بتعتذر لما تحس إن الناس زعلانة منها، حتى لو كانت نيتى يعلم بيها ربنا نيتى خير وكان الهدف هو المصلحة العامة".

وأضاف تامر أمين: "أنا أكتر حاجة تضايقنى فى الدنيا إن واحد صعيدى بس أو واحدة صعيدية بس يزعلوا منى، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللى طلعولنا الناس المفكرين والأدباء والناس الشريفة المحترمة".