حورية فرغلي تكشف تفاصيل مؤثرة عن أزمتها: مخرج اعتذر عن فيلم لأن اسمي مبقاش يبيع

كشفت الفنانة حورية فرغلي عن جانب من الأزمات التي مرت بها خلال السنوات الماضية، مؤكدة أنها واجهت العديد من التحديات بعد تعرضها لحادث كسر الأنف، كما تحدثت عن موقف مؤلم تعرضت له مؤخرًا بعد استبعادها من أحد الأعمال الفنية.

وخلال لقائها مع الإعلامية سهير جودة، قالت حورية فرغلي إنها كانت تجح كل عام بعد تعرضها لحادث كسر أنفها: “بعد الحادثة قعدت كل سنة احج….من أول الحادثة لغاية دلوقت ٧ حجات….عشان كنت بزعل من نفسي لما عيوني تدمع….وأقول لا أنا راضيه يارب أنا كويسة .أنا عمري ما عملت عمرة لأن عمري ما كان عندي محرم….فلما جالي فرصة إني أحج بدون زوج او رجل معايا أخ أو أب”.

وأضافت: “أول مرة دخلت المدينة المنورة….مسجد المدينة لازم تتفتشي كانت السيدات تتخض، ويقولوا لي انتي ساحرة الجنوب انتي حورية؟….أنا لاقيت الناس بتناديني ياروح كمان بالشوارع….مكنتش عاوزه اطلع من إحساسي بالمكان….كان معايا واحدة صاحبتي مريضة كانسر كانت دايما تطلع معايا….بقيت ادعي واقول يارب متخلنيش أكرهه شكلي أو احس إني ضعيفة….أنا كنت بكرهه ابص لنفسي في المراية”.

وتابعت: "أنا فعلا جوايا زعلان بس مش بحب حد يبص لي نظرة شفقة أو يقول حرام أو غلبانة..  أنا عارفه حورية الاصليه عامله ازاي….أنا إحساسي بناء علي رد فعل الناس….أنا من سنة تقريبا اتعرض عليا فيلم مهم كنت سعيدة جدا اني هشتغل الفيلم ده ومع مخرج أول مرة اشتغل معاه….وقولت له مش مشكلة خالص الفلوس….قبل ما يصوروا  بأسبوع بعت لي ڤويس بيقول  :…."أنا آسف انتي كنتي سوبر سوبر ستار….بس الدنيا اتغيرت واسمك مبقاش يبيع…."

وأكملت: "أنا معظم شغلي مكانش لي علاقه بشكلي نهائي ولا بالجمال عملت دوران شبرا خادمة….ساحرة النجوم….كممثلة محدش يقدر يقول اني ممثلة مش قوية….اتفرجوا علي أدواري ….لدرجة قولت اكيد في حاجة أنا مش شايفاها!!!لدرجة قولت لنفسي يمكن عشان هكمل ٤٨ وبان علي وشي….بدأت اسأل نفسي طيب أنا كبرت؟؟