نفسي أكون سبب في ضحكتك.. عصام صاصا يحتفل بعيد زواجه من جهاد أحمد
كتب: حسناء حسن
احتفل مطرب المهرجانات عصام صاصا بعيد زواجه من جهاد أحمد، من خلال نشر مقطع فيديو من احتفاله معها عبر حسابه الرسمي على موقع «إنستجرام».
عصام صاصا يوجه رسالة رومانسية لزوجته
ووجه عصام صاصا رسالة رومانسية إلى زوجته بمناسبة عيد زواجهما، أعرب خلالها عن حبه لها واعتذاره عن المواقف التي تسببت في حزنها، مؤكدًا تمسكه بها ورغبته في استمرار حياتهما معًا.
وقال عصام صاصا: «كل سنة وإنتي مراتي وحبيبتي وأغلى حاجة في حياتي، مش عارف أبدأ كلامي إزاي، بس يمكن أهم حاجة لازم أقولها إني آسف، آسف على كل مرة زعلتك فيها، وعلى كل وجع أو ضيقة كنت أنا سبب فيها».
وأضاف: «بحبك أكتر من أي حاجة في حياتي، وأكتر مما بعرف أعبّر عنه بالكلام، إنتي مش بس مراتي، إنتي صاحبتي وبيتي وأماني، والشخص اللي نفسي أفضل معاه العمر كله».
عرض هذا المنشور على Instagram
عصام صاصا: نفسي أكون سبب في ضحكتك
وواصل عصام صاصا رسالته لزوجته قائلًا: «في عيد جوازنا، أنا مش عايز أقولك بس كل سنة وإنتي طيبة، أنا عايز أقولك إن نفسي أكون الشخص اللي يطمنك ويفرحك، مش اللي يوجعك».
وتابع: «نفسي أصلّح كل حاجة اتكسرت بينا، وأثبتلك بأفعالي قبل كلامي إنك أهم إنسانة في حياتي، بحبك في كل حالاتك، وبحب تفاصيلك، وبحب وجودك جنبي».
واختتم رسالته قائلًا: «كل سنة وإنتي حبيبتي ومراتي وأجمل حاجة حصلتلي، وربنا يخليكي ليا، ويخليني دايمًا سبب في ضحكتك مش دموعك، بحبك ومهما كتبت مش هعرف أوصف قد إيه إنتي غالية عندي».
عصام صاصا يشارك في فيلم محمود التاني
وعلى جانب آخر، أعلن عصام صاصا مشاركته في فيلم «محمود التاني»، بطولة كزبرة وأحمد غزي، حيث نشر كزبرة صورة جمعته بهما، وعلق عليها معلنًا عن مفاجأة مشاركة عصام صاصا في العمل.
ويضم الفيلم في بطولته كزبرة وأحمد غزي وكارولين عزمي وجنى الأشقر وعصام صاصا، وهو من تأليف إياد صالح، وإخراج عبدالعزيز النجار، وإنتاج طارق الجنايني.
