هبة مجدي توجه رسالة لـ زوجة حمادة هلال بعد إعلان إصابتها بالسرطان

وجهت الفنانة هبة مجدي رسالة دعم إلى زوجة الفنان حمادة هلال، بعد إصابتها بمرض السرطان.

وكتبت هبة مجدي عبر ستوري حسابها الرسمي على إنستجرام : "ألف حمد لله علي سلامتك حبيبة قلبي، يا أجمل أسما، ألف بعد الشر عليكي".

وكام قد أعلن حمادة هلال عن إصابة زوجته بمرض السرطان خلال الفترة الماضية، وقال في تصريحات تلفزيونية : "زوجتي أصيبت بمرض السرطان وكانت مفاجأة لينا كلنا".

وتابع حمادة : "وقت ما عرفنا كنا في الساحل الشمالي، وهي طول الوقت كانت تعبانة لكنها صابرة ، أنا كنت بقول إن ده بسبب ضغوطات العيال، لكن بدأ يغمى عليها، واكتشفنا المرض عن طريق طبيب شاب حديث التخرج".

وواصل حمادة هلال : "الحمد لله إننا عرفنا بدري، وهي كانت مش عاوزة تقولي أنا ولا أي حد، وعاوزة تعمل الموضوع في هدوء".

واختتم حمادة : "عملنا العملية وشيلنا الورم، وبإذن الله ما يكونش فيه حاجة تاني، وأنا واثق في كرم ربنا، وربنا هيكون معاها، لأنها دايما بتحب الخير لكل الناس".