تامر حسني عن مشهد بفيلمه «مش أنا»: أهم حوار كتبته في حياتي
كتب: نسرين إبراهيم
قام النجم تامر حسني، بنشر مقطع فيديو لأحد المشاهد الرئيسية من فيلمه "مش أنا"، وذلك عبر حسابه الرسمي على "إنستجرام"، ووصف حوار المشهد بأنه أهم ما كتبه في حياته لأنه يحمل رسالة لأشخاص كثيرين.
وقال تامر حسني في تعليقه على المشهد الذي نشر: "مشهد ( الحمدلله ) من فيلم مش أنا" يمكن أهم حوار كتبته في حياتي".
وأضاف، "أتمنى يأخد نصيب كبير أوي في الانتشار، عشان واثق إن كلامه كتير منكم محتاجين يسمعوه وهيكون علامه جميله لناس كتير محبطه ومستنيه التشجيعه دي، عشان يقوموا ويحققوا اللي ناقصهم لما يركزوا إن في ناس ظروفهم كانت أصعب منهم وقدروا يوصلوا وينجحوا".
وتابع: "يعني الموضوع فينا احنا مش في الظروف ظروفك الصعبه دي ممكن تصنع منك بطل، انت اللي هتحدد وهتقرر ظروفك هتصنع منك ايه قوم يلا ينفع تحلم تاني وعاشر الحلم ملوش وقت ولا سن والوقت مش متأخر ولا حاجه ومادم بتصحى من النوم بتلاقي نفسك عايش يبقى ربنا لسه عايزك وعندك مُهمه في الحياه قوم دور عليها ربنا مخلقكش فاضي بالعكس عندك كتير بس الشاطر كل ما يدور هيلاقي و زي ما كتبت في حوار الفيلم (المريض الحقيقي هو اللي معندوش طموح )"
يذكر أن فيلم "مش أنا" بطولة تامر حسني، حلا شيحة، سوسن بدر، ماجد الكداوني، ومن تأليف تامر حسني، من إخراج سارة وفيق، وإنتاج تامر مرسي.
View this post on Instagram
