نجل عبد الرحمن أبو زهرة: الجميع يبحث عن التريند على حساب صحة والدي

نشر أحمد أبو زهرة، نجل الفنان عبد الرحمن أبو زهرة، عبر صفحته بموقع التواصل الاجتماعي الشهير “فيسبوك” منشورا أبدى فيه استيائه من بعض الأخبار التى تؤكد تدهور حالة والده الصحية. 

وعلق أحمد أبو زهرة: "مأساة التريند منذ تدهور حالة الوالد الصحية اللي تقريبا مصر كلها تعرفها من كتر ما الصحافة والمواقع والإعلام وبرامج الفضائيات بتحاصرنا وبتكلمنا بمنتهي الإلحاح ده غير طبعا إن اللي اكتشفناه إن الكل لا يبحث إلا عن تريند والكل يبحث عن إنه يكون أول واحد يكتب خبر أو بينشر خبر أو ياخد أحاديث و معلومات مني أنا أو أخواتي عن صحته بغض النظر عن ظروفه هو وصحته بجد وبالفعل وبدون النظر لمدى الضغط العصبي اللي بنتعرض له أحنا كأسرة".

وأضاف أحمد أبو زهرة : "المأساة في التريند بقي هي كمية الشائعات اللي بتطلع وكمية الكلام الفارغ اللي بنقرأه علي لساننا اذا كان أنا أو أخواتي وده طبعا مصدر إزعاج كبير لنا كلنا، يا أهل الإعلام والمواقع نرجو منكم تحري الدقة واحترام رغبة الأسرة في فترات الضغط الشديدة اذا كنا عاوزين نتكلم أم لا لأن مفيش حد ممكن يتخيل ولا يحس بالظروف  اللي بيمر هو وإحنا بها".