نادية رشاد: الرئيس هو من اختارني لتجسيد دور والدته في «الاختيار 3» (فيديو)

كشفت الفنانة القديرة نادية رشاد عن كواليس مشاركتها في مسلسل "الاختيار" في الجزء الثالث، حيث جسدت شخصية والدة الرئيس عبدالفتاح السيسي في أحداث المسلسل، الذي كان يحكي فترة الحكم الظلامية للإخوان في مصر وكيف استطاع الرئيس السيسي إنقاذ البلاد من الدخول في حرب أهلية.

وقالت نادية رشاد، خلال لقائها برنامج ”بنت البلد”:”أنا اعتذرت عن الجزء الثاني من مسلسل الاختيار، طلبوني علشان أعمل دور أم زكريا، لكن وقتها كانت الكورونا شديدة، ومع سني ده كنت خايفة علشان معنديش مناعة".

وأضافت: "كان نفسي أشارك ونزلت بالفعل اشتريت لبس التصوير، لكن الدكتور قالي إنتِ معندكيش مناعة خالص، فخفت أنزل واختلط بالناس، فاعتذرت عن الدور".

وتابعت: "في الجزء الثالث كنت ناوية اعتذر برضو لأن الكورونا لسه موجودة لكن قالولي إنتي مش هتقدري تعتذري المرة دي، لأن فخامة الرئيس هو اللي قال إنك تعملي الدور ده".

واختتمت: "قلتلهم مادام الرئيس اللي قال كده، حتى لو فيه كورونا هنزل، حد يكون هيعمل دور أم الرئيس ويرفض".