المخرج علي بدرخان لـ«العاصمة»: محمد رمضان عنده طاقة يجب استغلالها

كشف المخرج علي بدرخان، عن رأيه في  الفنان محمد رمضان: «ذنبه أيه محمد رمضان هو مؤدي فقط، في كاتب سيناريو ومؤلف ومخرج ومنتج، هل كل دول برائه، محمد رمضان بيتعرض عليه عرض ويتقالوا تعالى خد اللي أنت عاوزه يبقى عبيط لو قال لا».

وردا على سؤال أن الفنان محمد رمضان دائما ما يسير الجدل؟، قال في تصريحات لـ"العاصمة": «معلش مع احترامي له، هو برضه بداياته كانت واعده وفي أجزاء كانت فيها ملامح ممثل ممتاز، هو بس شايف إن اللون اللي بيقدمه له شعبيه وجمهور فخلاص منقدرش نقوله لا، كل الفكرة بس إن بلاش استفزاز، وإن من أخلاق الفنان يكون متواضع وبسيط، ويرتب كلامه إحنا مش فخناقه يعني».

واختتم "بدرخان" حديثه بتوجيه نصيحه لمحمد رمضان: «يجب تنتبه للحتة بتاعتك وهي الأداء والإبداع، والنجومية مش بالفتونة والعضلات، أنت عندك الطاقة ويجب أن تستغلها في حاجات أخرى».