«أداء فضيحة».. نجوم الرياضة يهاجمون منتخب مصر بعد الخسارة أمام إثيوبيا
كتب: محمود جودة
تعرض منتخب مصر الأول لكرة القدم، اليوم الخميس، للهزئمة أمام منتخب إثيوبيا بهدفين مقابل لاشيء، في الجولة الثانية من التصفيات المؤهلة لكأس الأمم الإفريقية "كوت ديفوار 2023".
وتعرض لاعبو منتخب مصر وجهازه الفني بقيادة إيهاب جلال لهجوم لاذع من قبل نجوم الرياضة، واصفين الأداء بالكارثي، والذي لا يليق بمنتخب مصر وتاريخه الكبير في المنافسات، وخاصة الإفريقية، وجاءت التعليقات كالآتي:
أحمد شوبير:
يا جماعة حد يقول للمنتخب إن الماتش في مالاوى واضح انهم تايهين في الطريق
المعلق علي محمد علي:
أداء منتخب مصر فضيحة بمعني الكلمة.. المنظومة كلها محتاجة إعادة تنظيم وترتيب
هاني حتحوت:
غير الارتباك الفني الكامل من المدرب واللاعبين.. هو ده منتخبنا من غير صلاح
إبراهيم سعيد:
الماتش ده كشف كل حاجة وعلي المكشوف أن اللعيبة والجهاز؛ منتخب مصر أكبر منهم كلهم.. وقولتها قبل كدة.. إيهاب جلال آخره أندية الوسط ومنتخب مصر كبير عليه، واختياره مجاملة ومصالح على حساب اسم منتخب مصر.
إبراهيم عبدالجواد:
أداء فردي وجماعي كارثي.. أداء فضيحة من صفوة لاعبي مصر
فرج عامر:
اتحاد كرة القدم بالكامل لا يصلح من أوله لآخره.. والجهاز الفني فاشل فاشل فاشل
وائل جمعة:
الهدف الأول فضيحة، جميع قرارات اللاعبين في الملعب غير صحيحة، التمريرات خطأ ولا يوجد لاعب يمكنه استلام الكرة، المنتخب لم يحضر إلى المباراة ومحظوظين بالخروج من الشوط الأول بهدفين فقط.
حسن المستكاوي:
هو ده منتخب إثيوبيا ولا منتخب كولومبيا .. ماهذا الارتباك والتهريج ؟ كيف لانتعامل مع الضغط ومع السرعات ؟ كيف يبدو الفريق الاثيوبي كأنه بيلعب ب 12 او 13 لاعبا واحنا بنلعب خماسي ؟! منتخبنا عبارة عن فريق مدرسة ابتدائي.. أدعو الله أن ننجح في عبور خط منتصف الملعب قريبا.
المعلق أحمد عبده:
أى هاوى كان هيعرف يدير المباراة أفضل من هذا المدرب، المباراة كان معروف إنها هتكون بدنية (ثنائيات ومواجهات فرديه بدنية)، اختيار العناصر كان لازم يكون على هذا الأساس، فى ناس كتير كان لازم تتبدل بعد الهدف الأول لأنهم لا يصلحون لطريقة اللعب أمام منتخب إثيوبيا.
هيثم فاروق:
أنا مصدوم.. منتخب مصر بلا فريق لا حراسة مرمى ولا دفاع ولا وسط لا وهجوم
عمرو نصوحي:
"سجل يا تاريخ.. مصر 0-2 اثيوبيا | كلمة جيل فاضي كبيرة اوي على اللي الواحد شايفه.. كاس العالم الجاي ضعف عدد المنتخبات هتصعد من افريقيا… بس واضح ان فرصنا هتفضل زي ما هيا لان افريقيا كلها بتتقدم واحنا بنتأخر.. ما حدش يقولي ايهاب جلال ولا جهاز ولا اي خرة..دي لاعيبتنا ضد لاعيبة اثيوبيا".
مهيب عبدالهادي:
اللي اختار ايهاب جلال يقولنا عامل إيه دلوقتي.. فرحان في حرقة دم 100 مليون.. حسبي الله ونعم الوكيل
