مرتضى منصور: أطالب بحل اتحاد الكرة «الفاشل».. وأمد يدي للخطيب

شن مرتضى منصور، رئيس مجلس إدارة نادي الزمالك، هجوما شرسا على الاتحاد المصري لكرة القدم برئاسة جمال علام، وأحمد دياب رئيس رابطة الأندية المصرية المحترفة.

وقال مرتضى منصور خلال افتتاح نادي الزمالك النهري: "أتمنى حل اتحاد الكرة، دول ناس فاشلين".

وأضاف: "لا قولت أسلم على الخطيب ولا قولت أصالحه، تعالى يا خطيب نمد إيدينا في ايد بعض لمصلحة البلد، لو مرضيش هو حر، أنا ملتزم علشان بلدي مش علشان الخطيب، معنديش معاه مشكلة شخصية".

وتابع: "أحمد دياب عنده أرض بـ 11 مليار وهربان من قطر ونصب على رئيس المخابرات القطرية".

وواصل: "اللي سرب المكالمة عاوز يخرب البلد دلوقتي، ومحدش يعرف يكسبني في انتخابات ميت غمر، أحمد موسى وعمرو أديب أعلنوا خسارتي في الانتخابات قبل فرز الصناديق".

وأكمل: "أنا فاتح صفحة جديدة مع كل الناس، ومرحب لو الدولة طلعت سيد مشاغب من السجن، بدون شتيمة للشرطة ولا الجيش ولا لأي حد".

وأردف: "اللي بيقول مرتضى بيشغل ولادة في عزبة أقوله لا، احنا شغالين لنادي الزمالك".

واختتم مرتضى منصور تصريحاته: "دياب ميعرفش يخش مكتبي بتاع المحاماه، كان بيجيلي هو ووالدته المحترمة المكتب لما كان عيل، أقول لأحمد دياب ابعد عن الرياضة".