محمد حلاوة يدعم زوجته ريهام حجاج بعد تعرضها لحملة ممهنجة وأخبار مفبركة

أعرب رجل الأعمال محمد حلاوة، عن استيائه الشديد من الحملة الممنهجة التي تتعرض له زوجته النجمة ريهام حجاج، من قبل البعض، ونشر أخبار كاذبة على لسانها، والزج بها في أزمات لا علاقة لها وتخص نجوم آخرين.

النائب محمد حلاوة

وكانت قد تبرأت ريهام من التصريحات المنسوبة لها، مؤكدة أنها تتعرض لحملة مدفوعة الأجر خصوصا بعد تداول التصريح في أكثر من 15 صفحة، وعلق زوجها محمد حلاوة، قائلا: "أنا مش فاهم الحقيقة، انتي معندكيش حساب علي تويتر أساسا، ومش فاهم مين اللي مصر إنه يدخلنا في مشاكل ملناش أي دعوة بيها مين صاحب المصلحه ف كده، !مين اللي بينشر الحملات دي في نفس الوقت، وهدفه إيه عموما إنتي وضحت الصورة، وربنا يخليكي ويحفظك يا حبيبتي".

وقالت ريهام حجاج في تسجيل صوتي: "إزيكم يا جماعة، مساء الفل، أنا أول مرة أطلع اتكلم في الموضوع ده تحديدا، بس أنا قررت المرة دي مش هسكت، أنا منزللكم 15 خبر نازل في 15 صفحة، ونازل في أكتر  من كده، يعني حملة مدفوعة الأجر، فيها كلام لا اتقال على لساني ولا أعرف عنه أى حاجة، نزل كله في توقيت واحد وعلى صفحات كتيرة جدا جدا جدا".

النائب محمد حلاوة و زوجته ريهام حجاج

وأضافت، "أنا ما أعرفش إيه السبب إن تتجاب سيرتنا في مشاكل مالناش دعوة بيها، زى ما بيحصل من 4 سنين، بس المرة دي الموضوع بوخ أوى وزود، لأن حقيقي احنا مالناش علاقة، وأنا معنديش أصلا صفحة على تويتر، والكلام ده متقالش".

اقرأ أيضاً

فيروز «مرسال الحب» بين محمد حلاوة وزوجته ريهام حجاج

وتابعت: "الكلام ده ما اتقالش، وإنه ينزل بالفجاجة دي، وعلى كمية صفحات وأكونتات كتيرة، أكيد كل ده مش صدفة".