السيسي: أجلنا زيادة أسعار الكهرباء 3 مرات رغم ارتفاع التكاليف
كتب: رحاب جمعة
قال الرئيس عبدالفتاح السيسي، خلال افتتاح مشروعات لإنتاج الثروة الحيوانية والألبان، إن الأسعار فى مصر تقل عن مثيلتها في بعض الدول العربية.
وتابع: "عاوز أقول للمصريين خالوا بالكم المفروض الأسعار في مصر تبقا أكتر من كده بكتير، وأنا والله مش بقول كده بجامل الحكومة، والنهاردة الدول الغربية من ضمن معايير التضخم لا يزيد عن 2 %، وهذه ثوابت عنده سنين كتيرة بكل المتغيرات الدولية، وهناك بعض الدول سجلت 5 و9 و %11 بتتكلم عن دول غنية ومستقرة وتسعير وحوكمة وسلاسل توريد ومعندهاش النمو السكاني، وفيه دول بقالها 40 سنة عدد سكانها مزدش، حصل عندهم تضخم نتيجة الحرب تضخم وزيادة في الأسعار".
وقال الرئيس السيسي: "الكهرباء مش خدتوا قرار متزودوهاش، اتكلمت مع الدكتور مصطفى دي 3 مرة نأجل البرنامج علشان منحملش على الناس، بتكلم على 17 مليون مشترك بتدفع أقل من 50 % من الطاقة، مش بقول كده إن الدولة بتمن على شعبها، لكن بنحاول نخلى فاتورة الأعباء على الناس ما أمكن مناسبة.. برنامج الكهرباء لثالث مرة نأجلوا مع أن تكلفة إنتاج الكهرباء زادت والغاز اللي بيستخدم في الكهرباء زاد، الهدف من النقاش أن كان الأول 5 دولارات للوحدة دلوقتي بنتكلم في 21 دولارا، وكانت أقل من تكلفتها بتباع للناس طيب لما بقت 214 دولار تساوى كام؟.
