محمد عطية: مفيش حاجة اسمها فن نظيف.. ولو مستحرم التمثيل ما تمثلش
كتب: نسرين إبراهيم
كشف الفنان محمد عطية، عن رأيه في مصطلح الفن النظيف، والمعتقدات الشخصية للبعض عن مجال الفن والتمثيل.
وكتب عطية عبر صفحته الرسمية على "فيسبوك": "إنت بتمثل يبقي لازم تطوع نفسك لكل ما يتطلبه منك الدور من لبس وشكل وأداء يناسب الشخصية اللي إنت بتلعبها مش العكس، يجيلك دور تقوم مطوعه ليتماشي مع معتقداتك الشخصية، مافيش حاجة اسمها كده".
وأضاف: "لو مستحرم التمثيل ما تمثلش.. إنما تقعد تفرقنا بإدعائات أخلاقية ليه؟؟.. و مافيش حاجة اسمها الفن النظيف.. ده مصطلح مضلل مالوش أي معني .. في حاجة اسمها فن.. نقطة.. عاجبك بالتحرر الإبداعي فيه أهلا و سهلا مش عاجبك اتفضل ما تشاركش و ما تتفرجش".
وكان قد طرح محمد عطية كليب جديد يعيد فيه تقديم أغنيتى عبد الحليم حافظ "تخونوه وموعود" مع المطربة اللبنانية كارلا، والتي تجمع الأغنية بين الغناء الأجنبى والشرقى وأهداها عطية إلى روح العندليب عبد الحليم حافظ وروح والده.
