حمو بيكا :«أنا ناجح وما اتعلمتش بس دي مش حاجة تفرح»

وجه مطرب المهرجانات حمو بيكا، نصيحة ورسالة هامة لطلاب الثانوية العامة والكليات بشأن أهمية التعليم، والمعاناة التي يعيشها يوميا بسبب عدم حصوله على شهادة.

وكتب حمو بيكا، رسالته هذه عبر حسابه الشخصي على موقع التواصل الاجتماعي "فيسبوك"، قائلا :"رسالة لطلاب الثانوية العامة و الكليات.. هو أنا أه مش متعلم وأخدت محو الأمية بالعافية لكن دي مش حاجه تفرح، ولا تقول عندك بيكا أهو مش متعلم بس ناجح، صدقوني والله طعم النجاح مع العلم مختلف تماماً عن طعم النجاح من غير علم".

وأضاف: "العلم بيفرق في كل حاجه في الدنيا، كمية معاناة بشوفها يومياً بسبب إني مش متعلم كبيرة أوي، ومش بتمني حد منكم يشوفها أو يتعرض لها، العلم بيستر كتير أوي وبيخليك واعي و متفتح في كل مجالات الحياة".

وتابع: "هو أه الشارع علمني كتير، بس مش زي المدارس والجامعات، حتي لو مش هتشتغل بشهادتك وحتي لو دخلت كلية مش بتحبها، بس يكفي إنك متعلم ومعاك شهادة تقدر تسد بيها عين الشمس ".

ووجه نصيحة للشباب، قائلا: "اتعلموا وخلوا بالكم من تعليمكم وشهداتكم لأنها هتفرق كتير أوي معاكوا ومع عيالكم بعد كده".

وأضاف:"أنا أه مادخلتش مدارس وماتعلمتش، بس حابب كل اللي حواليا ناجح ومتعلم وأوعي يوم تقول أهو فلان ناجح بس مش متعلم".