ميار الببلاوي تنفعل على متابع لهذا السبب

نشبت مشادة كلامية بين الفنانة والإعلامية ميار الببلاوي وبين متابع لها عبر السوشيال ميديا، بعدما أعلنت عن كسر شاشة هاتفها المحمول.

وبدأ الخلاف، بعد أن كتبت ميار، عبر حسابها الشخصي بموقع "فيسبوك"، :"معلش يا جماعة موبايلي جاب شاشة الحمد لله على كل شيء وحاولت أنقل الداتا من صور وفيديوهات بس قدر الله وما شاء فعل اللي هيتواصل معايا، ولو حد يعرف شاشة الشامسونج الفيليبو اللي بيتفتح دا بكام ياريت يقولي بس براحه عليا ونبي قلبي مش مستحمل بس بقول فدا ابني، أنا أصلا أعصابي تعبانة من خضتي عليه وقله النوم طار من إيدي وقع على البورسلين محطش منطق".

ورد متابع لها على منشورها، :"يا دكتورة هي كميا حوار شاشة من مستهلة كل بوستات دي احنا أرزقيه وعلى باب الله، ولو معانا بنصلح مش معانا بنمشي نفسنا لحد ما ربنا يفرجها".

وردت ميار عليه، قائلة :"ما أنا مش في الضمان، طيب أنت حر وأنا كمان أرزقية، إش عرفك إني معايا ثمن تصليحها دلؤتي وبعدين أنا ست أوفر مش عاجب حضرتك متابعنيش يا فندم".

وأضافت: "يا فندم أنا لما ببقى مضايقة بجري على الفانز بتوعي لأني مليش حد وهما اتعودوا عليا وبيساعدوني في أي حاجة وبيواسوني لو زعلانة وبيشجعوني لو نجحت في حاجة وبيحذروني لو غلط في حاجة هما أهلي اللي عمري مقابلتهم بس في ضهري ونعمة من ربنا حبهم وخوفهم ودعمهم ليا ريح نفسك".

وعادت، وعلقت: "بجد هو أنا أوفر لما بجرى عليكم لما يحصلى حاجه لما ببقى زعلانه أو فرحانه أو تعبانه مانا بحبكم أوى من غير ما أشوفكم ودعائكم بيفرق معايا دا بفضل دعاء أمى ودعائكم ربنا نجانى وأنا بين الحيا والموت فى أمريكا انتو بتهونوا عليا وحدتى وبطبطوا على قلبى مدفيه بيكم حتى لو بينا عالم افتراضى مش هزعل قولولى لو أنا أوفر وأنتو بتزهقوا منى لأن المسج دى خوفتنى الصراحه صباحكم رزق وهنا وكلنا على باب الله".