«ملوش مبرر».. أول تعليق من شيرين على أزمتها مع بهاء الدين محمد بسبب «ماتجرحنيش»
كتب: شروق خالد
تحرص النجمة شيرين عبد الوهاب على التواصل بشكل مستمر مع متابعيها ومحبيها والرد على اسئلتهم عبر "ستورى" على صفحتها الشخصية بـ"إنستجرام".
وجاءت ضمن استفسارات جمهورها ومحبيها، سؤال من متابع يسألها عن أزمتها مع الشاعر بهاء الدين محمد الأخيرة حول أغنية "ماتجرحنيش" وجاء كالتالي: "أيش رأيك بكلام بهاء الدين محمد"، لترد شيرين: "والله أنا مش شايفة ليه أي مبرر".
وكان قد عبر الشاعر الغنائي بهاء الدين محمد عن استيائه وغضبه الشديد مما صرحت به الفنانة شيرين عبد الوهاب، بعد إعلان الأخيرة ندمها على غناء أغنية "ما تجرحنيش" التي قدمتها في بدايتها الفنية عام ٢٠٠٣، وكانت من كلمات الشاعر بهاء الدين محمد.
وقام الشاعر الغنائي بالرد عليها عبر حسابه الشخصي على موقع "فيس بوك" قائلاً: "مش متعود أرد على أى حد.. ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة بدافع عنها !!! وحاتكلم بإختصار جدا".
وتابع: "المشهد الأول.. أول يوم دخلت شيرين_عبدالوهاب مكتبى كانت مع الأستاذ نصر محروس اللى هو صاحب الفضل في تقديمها.. وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعدة مع الأستاذ بهاء !!!".
واستطرد: "والمشهد الثانى: "رشحتها تغنى كتير بنعشق ولولا موافقة نصر احتراما للعشرة اللى بنا ماكانتش حتغنيها لأنها كانت موقوفة من النقابة".
واستكمل: "المشهد الثالث لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابة عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول".
وواصل: "المشهد الرابع والأخير: "أغنية ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش حيتم اللقاء وماتجرحنيش من أهم أعمالى ومن حقى أدافع عنها نتاج تهور اللى غنيتها".
وأختتم: "وكمان لأول مرة ألاقى حد بيحارب نَفسه وبيغلط في مبدعين إشتركوا ف صناعته !!!.. وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كدة تانى وأنتى بتكبرى بس مش حتعدى حدود حجم بعض الأسماء ولا أعمالهم".
