تفاصيل المحادثات بين نيرة أشرف ومحمد عادل قبل قتلها (مستندات)
كتب: ايه صلاح
حصلت "العاصمة" على نص أقوال المتهم بقتل الطالبة نيرة اشرف أمام جامعة المنصورة.
وجاءت أقوال المتهم ردا على أسئلة المحقق كالآتي:
س: ما هو مضمون المحادثات التي جرت فيما بينك وبين المجني عليها آنذاك؟
ج: أنا كنت بقولها عيب اللي بتعمليه ده أنا صرفت عليكي دم قلبي علشان ممكن تقدر ده فكانت بترد باستهزاء وأنا كنت بضايق من اللي هي بتعمله فانا كلمت أبوها علشان أشوف نهاية الحوارده.
س: وما هو مضمون الحوار الذي دار فيما بينك وبين والد المجني عليها؟
ج: أنا كلمته وقولتله بنتك بدأت تجيب سيرتي ثاني ولقيته بيرد عليا وبيقولي إن هو مش بايدي حاجة وإن أمها هي اللي ممشياها وأن هو أتاذى من الموضوع ده وأن بنته مش قادر يسيطر عليها ولا على مراته وأنا قولتله ساعتها أنا مليش دعوة بالمواضيع دي وأن أنا ليا حق عندكم وأنت ملزم ترجعهولي وأنك تأدب بنتك على كل اللي عملته.
س: وهل كان هناك ثمة إجابة من قبل والد المجني عليها على ما دار فيما بينكما من حوار؟
ج: هو فعلا استجاب للكلام وكانت ساعتها بنته هربانة من البيت ومتغيبه وأنا فضلت أكلم ناس واتابعها لحد ما عرفت أنها كانت قاعدة في الساحل وأنا قلت لأبوها أننا ممكن نعمل محضر تغيب ونرجعها.
س: وهل تم رجوع المجني عليها إلى مسكنها عقب ذلك؟
ج: أيـوه
س: وكيف وقفت على ذلك؟
ج : لأن أبوها قالي أول ماهي رجعت وكان بيحاول يخليني أوافق أن أنا أتجوزها وأنا كنت موافق وكنت هنسى كل حاجة.
س: ما هو قصدك من قالة وكنت هنسى كل حاجة؟
ج : أنا كنت قعدت معاها وكنت بحبها وكنت بصرف عليها دم قلبي وكنت فعلا مرتبط بها.. وكنت ممكن أنسى لها كل حاجة وكل اللي هي عملته بس نتجوز.
