حورية فرغلي تكشف حقيقة خلافها مع محمد رمضان وتؤكد: لو عرض عليا شغل معاه هوافق

أكدت الفنانة حورية فرغلي أنه لا صحة لما تردد حول وجود خلاف بينها وبين الفنان محمد رمضان أو تجاهله لها أثناء تصوير مسلسل «الأسطورة».

وقالت حورية، خلال لقائها مع الإعلامية إنجي هشام في برنامج كشف حساب المذاع عبر قناة قناة هي، لأ محصلش أنى رحت لمحمد رمضان الكواليس لما كان بيصور الأسطورة ومرضيش يسلم عليا، أنا كنت بصور قريب منه وقتها فيلمى «طلق صناعي»، وعرفت انه فى نفس المكان رحت سألت عليه قالولى بيصور قولتلهم قولوا له إنى عايزه اسلم عليه، وبعدها اليوم خلص وانا كملت شغلى عادي".

وتابعت حورية فرغلى: «مقولتش إنى مثلت معاه مجاملة، قولت كلمنى وأنا بصور حكايات بنات، واشتغل قبلها فى دوران شبرا كأول مسلسل ليا، لقيته بيكلمنى وبيقولى يا أستاذة لقيت المنتج اللى هيعملى أول فيلم فى السينما، كنت عايز أطلب من حضرتك طلب،ـ البنت اللى المفروض اللى تبقى قدامى مش لاقيين الحد المناسب، قالى حضرتك ممكن تيجى مكانها، قولتله طبعا يا حبيبى، ورحتله عند أحمد السبكى، وكنت أول مره أعمله، ومضيت عبده موته، وقولتله ده كادوه منى ليك، وبعدين عملنا قلب الأسد ومخدتش أجر».

واستكملت حورية فرغلى حديثها، إنها لا ترى محمد رمضان «نمبر وان» كما يطلق على نفسه، قائلة: «هو شايف نفسه رقم واحد ده براحته، لكن كل زملائى رقم واحد فى حتتهم وشغلهم المميز، ولو عرض عليا اشتغل معاه أكيد هوافق ده نجم كبير».