رغم خلافاتهما.. أيمن بهجت قمر يدافع عن محمد نجاتي لهذا السبب

حرص الشاعر والكاتب أيمن بهجت قمر، على مساندة ودعم الفنان محمد نجاتي بعد تصريحاته حول إمكانية اعتزاله، وذلك بعد وضعه في مقارنة أمير كرارة، والحديث عنه بأسلوب جارح.

ونشر "قمر" تدوينة عبر صفحته بموقع التغريدات القصيرة "تويتر" قال فيها: "أنا قبل كدة هاجمت محمد نجاتي لما غلط في المؤلفين بشكل غير مقصود، لكن كفايه تجريح في الراجل كلنا بنغلط وكله رزق ونصيب، ونجاتي موهوب وأكيد وقته هييجي".

وتابع: "أتمنى من محمد نجاتي ما يتأثرش بأي كلام لأن محدش بيتعمد الاساءة له وبقول له أنت أخ وزميل وليك أعمال مميزه وحصل خير".

وأثار محمد نجاتي، جدلا واسعا، بعد ظهوره في مقطع الفيديو الذي قام بنشره عبر حساباته على مواقع التواصل الاجتماعي، ردا على مقارنة بينه وبين ما وصل له أمير كرارة من نجومية كبيرة، قائلا: "طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور، كل اللي عاوز أقوله أني ما كانش ليا دخل في ترشيحي لمسلسل محمود المصري، مع محمود عبدالعزيز، ترشيحي جاء من خلال مدحت العدل وهو حي يرزق يسأل".

وأضاف :«أما البوست اللي كتبه أحد الأساتذه، اللي اتقال فيه شوف كرارة فين دلوقتي ومحمد نجاتي دلوقتي فين دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الفنان، ولكني أتمنى أشارك فيها كلها، ولكني مضطر اشتغل حاجات كتير علشان أكمل بقيت حياتي لأن عندي التزامات كتير".

وتابع: «أنا مش مبسوط بالحاجات اللي بقدمها وأحيانا بضطر اشتغل حاجات مش راضي عنها علشان أقدر أكمل حياتي والتزماتي وإذا كانت وضعي كدا مضايقة ناس ممكن اعتزل واريحكم كلكم مني وتبقى نهاية الحكاية».

انا قبل كده هاجمت محمد نجاتي لما غلط في المؤلفين بشكل غير مقصود لكن كفايه تجريح في الراجل كلنا بنغلط وكله رزق ونصيب ونجاتي موهوب واكيد وقته هييجي اتمنى من محمد نجاتي ما يتأثرش بأي كلام لأن محدش بيتعمد الاساءه له وبقول له انت أخ وزميل وليك اعمال مميزه وحصل خير

— Ayman Bahgat Kamar (@AymanBahgatamar) July 3, 2022