«عايز التريند».. جمهور عمرو دياب يفتح النار على عمرو مصطفى بعد وصفه بـ«جدو»

شن جمهور الهضبة عمرو دياب، هجوما شديدا على الملحن عمرو مصطفى، بعد رسالة غامضة له، قال فيها:"رسالة إلى جدو"، واتهه فيها بملاحقته بلجان إلكترونية لمحاولة التغطية على نجاح أغنيته الجديدة.

وأكد متابعي عمرو مصطفى، أنه يشير بحديثه إلى عمرو دياب، خصوصا أنه لم يتوقف عن مهاجمته في الفترة الأخيرة، واندهش الجمهور من تصرفات مصطفى، خاصة أن عمرو دياب كان سبب في شهرته وأول من اكتشف موهبته.

وفي إطار ذلك، فتح جمهور الهضبة النارعلى عمرو مصطفى، من خلال التعليقات التي جاءت من بينها ما يلي: "لو شيلنا الكام أغنية اللي عملتهم لعمرو دياب مش هنشوفك دا هو مقام واحد مزهقنا بية طول عمرك أومال لو بتلحن كذا مقام هتعمل اية هتضربنا بالنار"، و"ياريت تركز فنفسك، لأن التلقيح ده أسلوب الصغار مش الكبار، ولأن واضح إنك بتلفت النظر لألبومك لما يدخل مقارنة مع جدو اللي لو تقصد اللي في بالي فامعتقدش إنه محتاج شهرة أو مركز في الأفعال الصبيانية دي".

وجاء تعليق آخر: "أنا معرفتش إنك عملت اغنيه جديدة غير لما لقيتك بتشتم حد دي طريقتك في الماركتنج يعني؟ ان شاء الله متكونش تقصد عمرو دياب واه صحيح غني براحتك أكيد عادي اوحش منك بيغنوا مجتش عليك"، " أغنية فاشلة وصوتك وحش وبتجيب سيرت جدو عشان تتشهر يا عمو"، "جدو دا اللي هو عمرو دياب اللي هو أنجح مطرب في الوطن العربي لمده ٣٠ سنه وأكتر"،

وكان قد وجه عمرو مصطفى رسالة غامضة لفنان وجه له عدة اتهامات عبر صفحته على "فيسبوك"، قائلا: "رساله لجدو .. هتبعت ناس ولجان تشتم علي الصفحه ولا هيهز شعره مني فلوس بترميها في الارض .. هتبعت ناس تقول صوته وحش ملكش دعوه انا هغني وصوتي وحش .. هتروح تخلي ناس تسرب الاغاني هطلع افضحك وساعتها هتكون نهايتك بجد".

وتابع: "هتجيب عيال بفلوس  تعمل فيديوهات ان الاغاني وحشه هتنجح غصب عنك لانها من القلب .. هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو .. علشان الناس تشوفني ١٠٠٠٠٠  علي الفيسبوك بشرف أحسن من ملايين مزيفين يا جدو .. وفي الاخر اتقل علشان الجاي صعب".

واختتم: "نسيت انك بعت ناس للموزعين الي بشتغل معاهم في الخارج علشان انت  قلوده قوي .. بس لما تنزل معاهم هفضحك عادي".