حسين الجسمي يحتفل بعيد ميلاده الـ43 مع جمهوره
كتب: نسرين إبراهيم
حرص الفنان الإماراتي حسين الجسمي، على توجيه رسالة حب وامتنان لجمهوره، بعد احتفالهم بعيد ميلاده، وتوجيه التهاني له عبر السوشيال ميديا.
وكتب حسين الجسمي، عبر حسابه الشخصي على "إنستجرام"، قائلا: "بفضل الله وكرمه.. اليوم أكملنا 43 عاماً، بمحبتكم وأمنياتكم .. تعانق السعادة قلوبنا وتتعالى ضحكاتنا ".
وكان قد كشف الشاعر الغنائي والسيناريست أيمن بهجت قمر في لقاء تلفزيوني سابق له، لأول مرة عن سبب خلافه مع النجم الإماراتي حسين الجسمي، وذلك على الرغم من نجاحهما سويا خلال السنوات الماضية، بداية من أغنية "بحبك وحشتيني" إلى "حتة من قلبي".
وقال "قمر": "حسين عمل حركة بصراحة زعلتني، أول مرة اتكلم في الموضوع ده، عدينا أوي مرحلة إننا نتخانق على التنازلات وصيغة التنازلات، مفيش بينا كده إحنا إخوات، ومفيش بينا شيطان، وفي بينا نجاح وكيمياء حلوة، فتفاجأت إن هو باعت صيغة تنازل يعني ملهاش أي مبرر، بديله حقوقي وحقوق ولادي وأحفادي، يعني بديله كل حاجة، وكأن أنا ليس لي أي حق أدبي ولا مادي في الأغنية، وبلا مبرر، وفجأة".
وتابع: "يعني نجحنا من أول "بحبك وحشتيني" إلى "بالبنط العريض" و"حتة من قلبي"، إحنا الحمد لله طول الوقت ناجحين مع بعض، والسنة دي نزلنا أغنية تتر مسلسل "وسط البلد"، وأنا قولتله يا حسين المنطقة بتاعة العقود والتنازلات دي بيدخل فيها الشيطان، وأنا عمري ما غدرت بيك في حاجة ولا بعتلك إنذار يكفي إن في أغاني أنا مش مديله حقوق الديجيتال بتاعتها وهو بيتعامل لإني أنا مديله كلمة وعمري ما طمعت فيه".
واستطرد: "والخلاف مش على حقوق الديجتيال، مفيش خلاف بيني وبين حسين على حاجة، الخلاف على التنازلات، عايز ياخد كل حاجة بينص عليها قانون الملكية الفكرية، أتنازله عنها، في حقوق مبنتنازلش عنها، زي الأداء العلني، وإعادة النشر، لو الأغنية هتتعمل إعلان، افرض حد عاوز يعملها إعلان أنا مش موافق".
View this post on Instagram
