مفيدة شيحة:«الجيل الذهبي لماسبيرو قدوة للأجيال الجديدة» (فيديو)

عبرت الإعلامية مفيدة شيحة، عن تقديرها للجيل الذهبي لماسبيرو، مؤكدا أن هذا الجيل له أثر كبير في نجاح ماسبيرو مع بدايته. 

وأضافت «شيحة»، في برنامجها الستات، المذاع عبر قناة «النهار وان»، مساء اليوم الاثنين: «دايما لما بتيجي سيرة الإعلام بنحن للكلام عن الجيل الذهبي لماسبيرو، اللي مش بس كان سبب في النجاح والتأثير الكبير للتلفزيون المصري في أنحاء الوطن العربي، ولكن كمان كان القدوة والنموذج لأجيال تانية حبوا الإعلام وحملوا الراية من بعده». 

وتابعت: «من رموز ماسبيرو اللي ليهم بصمة كبيرة في حياتنا مش بس على الشاشة، الإعلامية القديرة فريدة الزمر، اللي نفتكرها ببرامج كتير زي "مع النجوم والنادي الدولي وذاكرة ماسبيرو وكلمة حق، غير تجربتها المهمة في إذاعة مونت كارلو".

وأكملت: "فريدة الزمر، مدخلتش الإعلام صدفة، ده كان حلمها من الطفولة، وسبقها للشاشة أخوها الإعلامي الكبير الراحل فايز الزمر، واللي زي ما كان قدوة ليها، كانت هي قدوة لبنتها الإعلامية الجميلة هند رشاد، واللي كملت مسيرتها مش بس على الشاشة، ولكن كمان في مجلس النواب".

وتابعت:  "فريدة الأم وهند الابنة جيلين اختاروا نفس الطريق، لكن "مريم" الحفيدة كان عندها رأي تاني، ورفضت إنها تعيش في جلباب الأم والجدة".