«عينك على الرقاصة».. أحمد فلوكس يهاجم محمد رمضان بعد سخريته من والده

شن الفنان أحمد فلوكس هجومًا لاذعًا على الفنان محمد رمضان بسبب تصريحات الأخير الساخرة والمسيئة لوالده فاروق فلوكس لتجسيده دور صبي راقصة.

وقال رمضان في تصريحات تلفزيونية: «في فنان كبير عمل أشياء أرفض أن أفعلها، وكان بيعمل أدوار صبي عالمة ولو هشحت مش هبقي زيه، رغم أن هذا الفنان قديم».

ورد أحمد فلوكس في منشور عبر حسابه الشخصي في فيسبوك، على تصريحات رمضان قائلا: «شوف يا حماده، أنت ترفض إنك تعمل دور صبي رقاصة لأنك دايماً نمبر وان، فأكيد هتبقى عينك على دور الرقاصة نفسها، مش الصبي بتاعها، وأنت ما شاء الله ناجح في ده جداً وبتعمله سهل وأنت عريان ما دريان».

 وأضاف: «نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان».

واستكمل: «أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة، وبحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان».

واختتم قائلاً: «وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار».